NOTA DE PRENSA
Para os populares mariñáns non ten sentido que os nacionalistas alerten sobre a grave situación económica de empresas e do aumento do desemprego en lugar de ofrecer solucións e propostas en favor das PEMES e das familias mariñás
O PP LÉMBRALLE AO BNG QUE FORMA PARTE DO GOBERNO GALEGO E QUE TEN A RESPONSABILIDADE DE POÑER EN MARCHA INICIATIVAS PÚBLICAS PARA SUPERAR A CRISE
* O Partido Popular vota de menos un maior compromiso da Consellería de Industria e doutros departamentos autonómicos de responsabilidade nacionalista coas empresas da Mariña lucense.
* Fai só unhas semanas que nacionalistas e socialistas votaron en contra dun plan de coche en auxilio do pequeno comercio proposto polo PPdeG.
A Mariña, 21 de outubro de 2008.- O Partido Popular da Mariña vén de recordar que “pese a que parece telo esquecido ou comeza a arrepentirse” o Bloque Nacionalista Galego forma parte da do Goberno de coalición en Galicia e, polo tanto, ten a responsabilidade de traballar para poñer en marcha iniciativas públicas que contribúan a superar a actual crise. Os populares realizan as devanditas declaracións despois de que onte, o responsable comarcal do BNG, Ramón Hermida, augurara suspensións de pagos, regulacións de emprego e unha situación de grave incerteza económica para os centos de empresas e miles de familias da Mariña lucense.
“O señor Ermida non tería que contarnos o mal que lles vai a ir ás empresas e veciños da nosa comarca por mor da actual crise económica. O que debera explicar é como teñen pensado xestionar esta grave situación desde a Xunta e desde as consellerías de responsabilidade nacionalista”, explicaron os populares. Para o PP mariñán o que lles houbera gustado escoitar aos veciños desta comarca dos nacionalistas é como a Consellería de Innovación e Industria vai a colaborar coas empresas que o están a pasar mal “e como, desde a administración autonómica, teñen pensado apoiar ás familias mariñás para superar a actual crise. Desafortunadamente disto non nos explican nada”.
En opinión do PP comarcal, tanto socialistas como nacionalista están claramente superados pola actual crise económica. “Tanto que non son capaces nin tan sequera de ofrecer solucións e propostas capaces de evitar ou frear a progresiva destrucción de emprego, o grave endebedamento das empresas e a asfixia das pequenas e medianas empresas”.
O BIPARTITO UN OBSTÁCULO PARA SUPERAR A CRISE
“E xa non é só que non sexan capaces de xestionar a actual crise. É que ademais socialistas e nacionalistas obstaculizan toda proposta construtiva que poidamos facer os demais na nosa responsabilidade de control e alternativa ao actual Goberno”- afirmaron desde o PPdeG.
Así por exemplo os populares mariñáns lembraron que, fai tan só unhas semanas, o voto conxunto de PSOE e BNG serviu para rexeitar no Parlamento de Galicia un plan de coche proposto polo PPdeG en auxilio das PEMES e do sector do comercio. “Tampouco contribúe a aliviar esta difícil situación o escaso investimento na comarca dos Gobernos central e autonómico ou o espectacular recorte das achegas que os orzamentos estatais prevén para os concellos, que pode superar incluso o 11% e, pese a iso, dispoñen do apoio do BNG, en contra do sentido común”.
PARTIDO POPULAR DA MARIÑA
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
