NOTA DE PRENSA
A directora xeral de Xustiza da Xunta de Galicia, Begoña Santos, confirmou que entre os sete novos xulgados que se crearán na nosa comunidade non estará a recuperación da sede xudicial nesta localidade mariñá
RIBADEO SEGUIRÁ SEN XULGADO DE PRIMEIRA INSTANCIA E INSTRUCIÓN
* Outra oportunidade perdida: PSOE e BNG obstaculizar a recuperación do xulgado ribadense en contra do que prometeron no seu día. Segundo o PPdeG ambos partidos enganaron aos veciños da Mariña oriental.
* Os populares dubidan da vontade política do Goberno galego a prol da recuperación deste servizo e incluso chegan a poñer en dúbida que a Xunta tivera reclamado o novo xulgado ao Executivo central. “Reclamamos o documento no que consta esta solicitude no Parlamento e non nolo deron. Levamos máis de seis meses esperando por el”
A Mariña, 13 de agosto de 2008.- A director xeral de Xustiza da Xunta de Galicia, Begoña Santos, confirmou a preguntas do PPdeG que Ribadeo seguirá sen xulgado de primeira instancia e instrución. A representante do Goberno bipartito de Galicia realizou a devandita afirmación no seo da comisión 1º de Administración Xeral e Xustiza do Parlamento galego onde compareceu para dar resposta a unha iniciativa do deputado José Manuel Balseiro. A través dunha pregunta oficial os populares querían saber se entre as sete novas sedes xudiciais que o Goberno central concedeu a Galicia a Xunta incluiría o xulgado de Ribadeo. A alto cargo da Consellería de Presidencia que compareceu na Cámara autonómica esta mañá rematou con esta expectativa tras confirmar que o Goberno galego non proporá a creación do xulgado de Ribadeo entre estas sete novas sedes xudiciais.
ROMEU MENTIU AOS VECIÑOS DA MARIÑA ORIENTAL
En opinión do Grupo Parlamentario Popular “estamos ante unha nova oportunidade perdida” o que pon de relevo que, tanto PSOE como BNG, “non teñen vontade política de recuperar este novo servizo e, inexplicablemente compórtanse de xeito contrario ao que deberían facer, isto é “como se o bipartito fora un obstáculo para a creación do novo xulgado”. Parece evidente que, tanto a propia directora xeral de Xustiza, Begoña Santos, na súa visita a Ribadeo, como o propio conselleiro socialista Méndez Romeu, “mentiron sen contemplación aos veciños cando afirmaron que recuperarían este xulgado”.
A XUNTA NEGA A DOCUMENTACIÓN SOLICITADA POLO PP
Ata tal punto chega o grado de desconfianza do Grupo Popular nas xestións que se están a levar a cabo por parte do Goberno galego en relación con esta petición unánime e consensuada das forzas civís, políticas e sociais da Mariña oriental, que os populares incluso dubidan de que a Consellería de Presidencia remitira ao Goberno central a proposta de creación deste novo xulgado de Ribadeo, tal e como afirmou publicamente xa fai tempo.
Isto é así porque pese a que o Grupo Popular ten reclamado con data 8 de abril do 2008, polo procedemento regulamentariamente establecido, o documento no que consta a solicitude desta nova sede xudicial, a Consellería de Presidencia non o remitiu aínda ao Grupo Popular “Levamos máis de seis meses esperando, e o Goberno galego non quere darnos esta información, e por iso que dubidamos incluso de que esta solicitude exista. ¿Que é o que queren ocultar?”
REORGANIZAR A XUSTIZA
Por outra banda, o deputado popular José Manuel Balseiro clarexou que o seu Grupo Parlamentario é partidario dunha reorganización do sistema xudicial na nosa comarca. “Que achegue servizos aos cidadáns e que contribúa a reducir a carga de traballo dos xulgados, facendo máis áxil a xustiza e máis eficaz a prestación deste servizo”
Neste senso propón ademais da creación dun novo partido xudicial nos concellos da Mariña oriental, que incluiría un xulgado de primeira instancia e instrución en Ribadeo, a incorporación dos casos xudiciais procedentes de Foz ao actual partido xudicial de Mondoñedo e o aumento no persoal destinado ao xulgado de Viveiro que, na actualidade, esta a sufrir certo colapso.
ANTECEDENTES
O Goberno que preside Jose Luís Rodríguez Zapatero vén de conceder sete novas salas xudiciais para toda Galicia. Isto representa menos da metade das solicitudes realizadas desde a nosa comunidade posto que reclamábamos a creación de 18 novos xulgados. Agora é a quenda da administración autonómica que, a través da Consellería de Presidencia, en reunión conxunta cos membros da sala de goberno do Tribunal Superior de Xustiza de Galicia, decidirán a distribución dos novos emprazamentos
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
