A consellería de Sanidade rectificará para que veciños de A Mariña poidan integrarse na comisión de participación cidadá da area sanitaria, recentemente creada e na que Sanidade non contou cos colectivos veciñais da costa de Lugo.
- 333 casos máis de coronavirus na provincia nas últimas 24h.
Son arestora 7547. Destes, 6 están en UCI no HULA. 57 en hospitalización, 44 no HULA, 7 no Hospital da Mariña e 6 no de Monforte. - A Deputación expón na súa web as imaxes do VII Concurso de Fotografía das Reservas da Biosfera
Trátase de quince imaxes que competiron no certame promovido pola institución provincial para dar a coñecer e poñer en valor a riqueza natural, cultural e paisaxística de Terras do Miño e Os Ancares Lucenses. - A Garda Civil imputa en calidade de investigado no termo municipal de Barreiros como suposto autor dun delito de usurpación de estado civil
O presunto autor adquiriu dous terminais móbiles e servizos telefónicos a través dunha compañía de telefonía a nome dunha terceira persoa sen o seu consentimento, non cumprindo a permanencia adquirida tras realizar estas contratacións, penalizando a compañía á vítima cun cargo económico. A persoa investigada foi posta a disposición xudicial. - Curso de esquimotaxe en Cervo
A Piscina Municipal de Lieiro acollerá esta fin de semana un novo curso de esquimotaxe organizado polo Club de Piragüismo Cidade de Lugo e a Federación Galega de Piragüismo, coa colaboración da sección de piragüismo do Club Deportivo San Ciprián e do Concello de Cervo. O curso celebrarase o domingo 16 de xaneiro e terá lugar en horario de mañá e tarde, de 10:00 a 13:00 horas e de 16:00 a 19:00 horas. - Sabela Pico Lombán, de Santa Cilla, é a gañadora da fin de semana de turismo rural da Pastelería Anduriña, de Foz, entre os clientes que compraron roscóns de Reis durante o pasado Nadal
O premio consiste nunha estancia dunha fin de semana para dúas persoas, con ceas e almorzos, en casa Castiñeira, de Muxía. - Este domingo 16, primeira ruta do ano do CDB "Marqués de Casariego"
Serán uns 17 kms dende Boal ata San Luis. - Rescatados ilesos os tripulantes do Serenín de Celeiro
Os oito mariñeiros poideron ser rescatados pola lancha do propio barco do práctico de Avilés, onde o pesqueiro ía á deriva contra as rochas na entrada ao porto asturiano onde afundiu.
2021 Crónica 3 A Mariña - Implementado por GaliciaDigital