ALFOZ .- O voceiro do BNG en Alfoz, Iván Marrube, acusa ao actual equipo de goberno “dunha total falta de previsión ante as inundacións que se produciron nos últimos días, xa que veñen afectando negativamente ao noso concello de xeito cada vez máis considerable cando as precipitacións caen en cantidades considerables”.
O concelleiro nacionalista asegura que “a auga en Alfoz levou o firme de moitas pistas, deixou intransitables diversos camiños e causou estragos en áreas recreativas situadas a carón da canle do río Ouro. As dúas novas áreas recreativas que se construíron este ano, con cargo aos presupostos do exercicio anterior, na ribeira do río Ouro, unha en Carballido e outra á altura de Vilaude, foron creadas sin ter en conta a súa situación e agora cada vez que a canle do río medra quedan asolagadas causando diversos tipos de estragos>.
Marrube engade que “en Alfoz cada vez que se arranxa un camiño non se teñen para nada en conta os desaugues nin as canles de auga facéndose logo cando arrecían as chuvias encoros artificiais. A proba máis notable disto podemos vela na parroquia de Carballido onde á estrada que une A Seara con San Acisclo non lle fixeron as taxeas necesarias e agora fórmase unha lagoa de case unha hectárea durante a meirande parte do inverno coas consecuencias negativas que isto acarrea para a actividade agraria dos veciños”.
O voceiro do BNG en Alfoz di que “igual e negativamente afecta que o río Ouro e os seus afluentes ao seu paso por Alfoz non teñan a súa canle limpa e adecentada para que a auga siga o seu curso con normalidade. Consideramos que o equipo de goberno se debe preocupar máis polo que acontece no concello e ser máis responsable á hora de defender os intereses de todos os veciños”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
