RIBADEO .- A segunda sesión do Programa Komikea II estáse a desenvolver durante esta semana nos centros de ensino secundario de Ribadeo, (CIFP Porta da Auga, IES Porta da Auga, IES Dionisio Gamallo Fierros e Colexio Sagrado Corazón) a cargo de José Angel Fernández, que lles explica aos alumnos as cuestións técnicas acerca de cómo realizar un comic, segundo informa o Programa de Prevención de Drogodependencias. A responsable do programa, Mónica Ferndández Lamparte indicou que “a primeira sesión (formacion basica en drogodependencias) xa foi desenvolvida cos alumnos de estes centros durante o mes pasado. Tras as intervencions de José Angel os alumnos continuarán co proxecto todo o curso escolar, deseñando os comics preventivos que posteriormente se publicarán co nome de Komikea II. En total 74 alumnos están a participar neste proxecto”.
Por outra banda, os alumnos de Primaria tamén continúan cos seus programas, e así a primeira semana de decembro vaíse realizar a segunda sesión do programa Entrenamento en Habilidades Sociais. Fernández Lamparte explica que “esta sesión trata sobre Cómo expresar opinions agradables e desenvolverase cos alumnos de 5º curso dos centros de Ribadeo, Barreiros, Trabada e A Pontenova. De momento están confirmadas as seguintes datas: día 1 de decembro no CEIP de Barreiros, día 2 en A Pontenova, día 3 no CEIP Gregorio Sanz e día 4 en San Miguel de Reinante. En total 95 alumnos participan neste proxecto”.
Ademáis continua a campaña institucional E se che toca a ti, que comezou no colexio Sagrado Corazón con alumnos de 3º de ESO e que continúa o 18 de decembro no CIFP Porta da Auga con alumnos dos ciclos e posteriormente desenvolverase no resto de centros de secundaria. “A Partipación estimada neste caso durante o curso é de 225 alumnos de 14 anos ou mais”, engade a responsable do Programa de Prevención de Drogodependencias que agradece “a colaboracion do profesorado e de José Angel Fernández para a realizacion destes programas”.
ÚLTIMA HORA
- A festa comeza no Campo da Veiga cun IX Torneo Maruxaina cheo de ambiente
- Cervo reforza o seu compromiso coa artesanía: 10 alumnos fórmanse en forxa tradicional en Sargadelos
- O PPdeG urxe ao Goberno central medidas de vixilancia permanente ante as interaccións de candorcas con embarcacións no litoral galego
- A Deputación reforza a cooperación cos concellos e impulsa o tecido empresarial cun investimento de máis de 390.000€
- A A.C. Pomba do Arco organiza o vindeiro xoves 13 de agosto, ás 20:30 horas, un acto público no salón de actos do Cenima de Foz dedicado á memoria da emigración mariñá
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade. - Seis pintores do Valadouro é a nova publicación do SEVA, un caderno dedicado á obra de seis artistas plásticos: Carmen Ossorio, Xosé Blanco, Arturo Mogo, Hipólito Xeada, Alaxe e Mar Vicente
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro. - Éxito de participación nas escolas deportivas de verán do Concello de Ribadeo
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”. - A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo este mércores unha reunión de traballo co alcalde de Xove, Demetrio Salgueiro
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica. - En Cervo Concilia xa están en Modo Maruxaina ON
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración. - Con motivo da celebración da Festa da Xuventude de Viveiro, será necesario realizar un corte temporal ao tráfico na Travesía da Mariña, entre a Praza de Lugo e a Porta de Carlos V
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición. - San Miguel de Reinante, en Barreiros, encherase de música, cor e tradición este sábado, 8 de agosto, co XLIII Festival Folclórico Internacional do Emigrante, declarado Festa de Interese Turístico
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
2021 Crónica 3 A Mariña - Implementado por GaliciaDigital