NOTA DE PRENSA:
O BNG ACHACA OS PROBLEMAS DAS INUNDACIÓNS Á FALTA DE PREVISIÓN
O BNG xa demandara anteriormente, sen que o goberno fixera caso, que se limpasen os sumidoiros e as cunetas
O BNG de Foz advertiralle ao grupo de goberno uns días antes de que comezasen as chuvias tan fortes que sufrimos estes días pasados da necesidade de facer unha limpeza a fondo dos sumidoiros así como das cunetas en previsión das chuvias. O BNG efectuou esta demanda porque moitas persoas xa nos advertían do mal estado dos sumidoiros no que respecta á limpeza e dos posibles atascos que se producirían. Particularmente, o BNG solicitara a limpeza dos sumidoiros en zonas sensibles onde sempre que chove producense danos e inundacións como na Avenida da Mariña á altura da rúa Juan Montes, no Rego de Foz ou en Corporacións Municipais. Outro tanto sucedeu coas cunetas das pistas nas parroquias que ao estar atascadas e non deixar correr a auga desbordaronse. Se ben as chuvias caídas foron moi abundantes e de forma continuada, as consecuencias serían menores se se efectuase dita limpeza e moitos dos danos en fincas, vivendas, sotos, garaxes e locais comerciais teríanse evitado.
Outro caso similar é o que sucede nos cauces dos ríos. É un clamor popular que os ríos do concello están cheos de obstáculos que non deixan pasar as augas polo seu cauce natural. Cando veñen as crecidas os ríos desbordanse por producirse tapóns artificiais con todo tipo de materiais principalmente ramallos e troncos de árbores. O grave do asunto é que as administracións non deixan limpar os ríos, cousa que antes facían os propios veciños do entorno sabedores do perigo. Pero ademáis de non deixar limpalos as distintas administracións tampouco fan nada por limpalos polo que a situación repítese todos os anos.
O BNG volverá a instar ao Concello para que faga as limpezas de sumidoiros e cunetas así como que faga as xestións pertinentes para que se efectúe unha limpeza dos ríos do concello en condicións.
Foz a 8 de novembro de 2008
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
