A MARIÑA .- As organizacións Unións Agrarias (UU.AA) e Xóvenes Agricultores (XX.AA.) denuncian que as industrias incumpren os acordos dos contratos homologados do leite e demandan das administracións un plan para reactivar o sector lácteo, “que vive ao borde da quebra, cunha diminución de ingresos que na Mariña acada os 807 mil euros.
O día 18 deste mes os gandeiros mobilizaranse en Santiago contra os abusos da industria e da distribución.
Nota de Prensa
As organizacións demándanlle ás administracións un plan para reactivar o sector lácteo, que vive ao borde da quebra, cunha diminución de ingresos que na Mariña acada os 807.000,25 €
Unións e Xóvenes denuncian que as industrias incumpren os acordos dos contratos homologados do leite
As dúas centrais remitiron ás corporacións locais unha Moción coas reivindicacións que veñen formulando pola grave crise que atravesan os produtores de leite.
O día 18 deste mes os gandeiros mobilizaranse en Santiago contra os abusos da industria e da distribución. UU.AA. e XX.AA, que contan co apoio das cooperativas, piden a solidariedade dos establecementos comerciais.
Unións Agrarias (UU.AA) e Xóvenes Agricultores (XX.AA.) denuncian o “claro incumprimento do acordo” para a posta en marcha dos contratos homologados do leite por parte da Federación de Industrias Lácteas. A falla de garantía nos compromisos pactados sumado aos continuos abusos tanto das factorías como da distribución, que día a día aumentan os seus beneficios a conta dos produtores, derivou na convocatoria dun calendario de mobilizacións do sector lácteo, que comezará o vindeiro día 18 en Santiago.
Os gandeiros protestarán contra as ameazas, e as prácticas especulativas e desleais dos industriais e das distribuidoras. Asemade, esixiranlle ás administracións un plan de reactivación do sector lácteo, que vive ao borde da quebra. Ese plan contempla unha serie de medidas que as dúas centrais tamén plasman na Moción que remitiron ao conxunto das corporacións locais de Galicia e que consisten nas reivindicacións que os dos sindicatos veñen formulando pola grave crise que atravesa o sector lácteo galego. Unións e Xóvenes, que contan co respaldo das cooperativas leiteiras, tamén solicitan o apoio dos establecementos comerciais á manifestación dos produtores de leite, porque “sen gandeiros non existe o rural”.
A crítica situación que atravesa o sector lácteo evidénciase na Mariña luguesa nos 807.000,25 euros de diminución de ingresos que, desde novembro de 2007 ata setembro de 2008, contabilizan as explotacións da zona, un total de 458, representando o 2,8% das explotacións de Galicia e o 7,4% das explotacións de Lugo. A cota leiteira desta comarca é de 81.928.959 quilos, o que representa o 3,8% da produción galega e o 8,3% da produción de Lugo.
Garantía de recollida
En referencia aos cumprimentos, os sindicatos sinalan a non aceptación por parte das industrias das alegacións presentadas na última Comisión de Seguimento dos Contratos homologados e a ruptura do espírito do acordo, que contempla a garantía de recollida do leite aos gandeiros ao prezo pactado, que en ningún caso pode ser inferior ao prezo medio de Francia.
Neste contexto, sinalaron que nun país cunha produción deficitaria do 30% a chantaxe de algunhas industrias para non recoller leite aos gandeiros só se entende como unha práctica para abaratar os prezos en orixe, que sufriron unha actuación flagrante das industrias no mes de setembro, que aplicaron unha baixada unilateral de entre 3 e 5 pesetas no prezo pagado aos gandeiros, feito que
non ocorría desde hai 30 anos. Este dato supón que nos últimos 12 meses a cotización do leite descendera un 25%, situándose arredor dos 34,5 céntimos o litro, mentres o incremento dos custos de produción se mantén no 40%, provocando unha situación afogante para as explotacións.
Os representantes das organizacións agrarias tamén subliñaron as modificacións sustanciais por parte das industrias dos baremos de calidade e de cantidade. A prima de cantidade, que ten que vir determinada pola media do 2008, reducíronlla a máis do 70% dos produtores.
Baixada inmediata dos pensos
Doutra banda, UU.AA e XX.AA advirten que tamén actuarán con contundencia contra os fabricantes de pensos se non trasladan inmediatamente aos gandeiros as baixadas dos cereais, que acadan un 19%. Comentaron que fronte ás compras apalabradas hai fórmulas como o prorrateo para a redución de prezos.
Para ámbalas organizacións, o sector lácteo de Galicia ten que ser considerado polas administracións como estratéxico, porque se trata dun segmento que factura por produción máis de 900 millóns de euros e que soporta a actividade económica de máis do 50% dos concellos galegos, onde o resto das actividades son complementarias e xiran en torno ao eixo lácteo.
Unións e Xóvenes subliñan que resulta irracional e anacrónico que en pleno século XXI o sector lácteo non conte cunhas relacións interprofesionais normalizadas e estables dentro dun marco contractual referenciado con criterios de mercado obxectivos. Neste contexto, apelan aos contratos homologados como a única ferramenta para a viabilidade do sector.
Demandas ás administracións
Ante esta grave situación que están a vivir as 13.000 explotacións leiteiras que sobreviven en Galicia, as organizacións agrarias instan aos gobernos a que poñan en marcha un Contrato Homologado único para todo o Estado, con prezos baseados en índice obxectivos.
Que garantan a recollida de todo o leite a prezo de mercado, independentemente de que se comercialice de xeito individual ou a través de cooperativas. Tamén lle demandan ás administracións que activen medidas de intervención que permitan retirar leite dos stocks almacenados. O control das importacións para evitar as prácticas ilegais de dumping de países excedentarios como Francia. A trazabilidade dos produtos lácteos, xa que o consumidor ten dereito a saber a procedencia do que consume.
Así mesmo, solicitan un novo plan lácteo que contemple medidas económicas para os produtores e que posibilite as xubilacións anticipadas, plan de abandono e supresión das retencións. Nesta Liña, pídenlle ao Tribunal de Defensa da Competencia que actúe contra os fabricantes dos pensos se no repercuten de inmediato as baixadas das materias primas aos gandeiros, así como contra as prácticas de dumping de industrias e distribución.
As centrais tamén piden a alianza do consumidor co produtor para que as desorbitadas marxes comerciais, que case ten en exclusiva a distribución, se repartan ao longo da cadea.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
