CERVO .- O Alcalde de Cervo, Alfonso Villares desprazarase xunto con técnicos do Ente Público Augas de Galicia ata a localidade de San Cibrao co obxecto de ultimar os detalles definitivos e visitar os espazos nos que se levarán a cabo as actuacións do proxecto de saneamento integral que ten previsto desenvolverse nesta poboación. A vista enmárcase no contexto do compromiso arrincado polo primeiro edil cervense na última xuntanza que mantivo co presidente deste Ente Público autonómico, José Luis Romero Valeiras. Nela comprometéronse a licitar o saneamento nos núcleos de San Cibrao e tamén o de Cervo antes do vindeiro mes de marzo.
MELLORAS A INICIATIVA DO CONCELLO
O Alcalde de Cervo tamén logro que Augas de Galicia asumira varias melloras que deberán formar parte do futuro proxecto. Entre elas, figura o cambio de situación da estación depuradora de augas residuais (EDAR); así coma o seu sistema de tratamento. Villares explicou que con este cambio o Concello de Cervo consegue que a localización recollida no proxecto inicial para a EDAR (na zona da Atalaia) se traslade ao polígono de Cuíña. Ao mesmo tempo tamén clarexou que a nova depuradora terá o dobre de capacidade de depuración que a inicialmente proxectada, e fará a súa función mediante un sistema de tratamento biolóxico das augas, fronte ao tratamento físico-químico que estaba previsto inicialmente.
EN SERVIZO EN 2009
Para o rexedor municipal de Cervo, o empeño posto polo Equipo de Goberno nas distintas negociacións que levan mantendo nos últimos meses con Augas de Galicia e coa Consellería de Medio Ambiente veñen a dar os seus froitos e, de cumprirse as previsións é probable que esta actuación poida estar en marcha a finais do vindeiro ano 2009
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
