Nota de Prensa
O concello de Cervo asemellase ao Camarote dos Hermanos Marx
O problema do PP é que non goberna e pasouse a facer oposición
11 son os concelleiros que a día de hoxe están na oposición no concello de Cervo. A foto tras 9 anos de goberno do PP é demoledora: rúas e beirarrúas intransitables, avarías sen resolver durante meses, perda de subvencións por falla de xestión, falla de información aos veciños, os presupostos sen aprobar, falla de transparencia, falla de vontade para sacar adiante o PXOM, etc.
Tódalas áreas de goberno, e especialmente as que dirixen o alcalde Alfonso Villares e o tenente de alcalde Xosé Manuel Balseiro, están totalmente desatendidas e amosan unha falla de coordinación que repercute negativamente no día a día dos veciños do Concello.
Lembramos que Alfonso Villares é o responsable de facenda, e neste campo a cabe sinalar que os presupostos están sen aprobar, e que o Concello de Cervo traballa cun presuposto prorrogado do 2007 que implica a imposibilidade de facer inversións en obras, formalizar certas subvencións e que as reclamacións dos traballadores en canto a propostas de melloras salariais non sexan atendidas. Todo isto a pesar de que o PP ten maioría absoluta que lle permite en calquera momento a aprobación dos presupostos comodamente. Os veciños quéixanse de ter que acudir en varias ocasións para poder falar co alcalde, posto que na maioría das ocasións non se atopa no concello.
En canto ao tenente de alcalde, o Sr Balseiro, a súa presencia no concello e case testemuñal; con responsabilidade en obras e urbanismo, so é preciso percorrer o concello para darse conta da nula dedicacións as áreas que lle son propias: infinidade de edificios en construción sen ningún tipo de ordenamento, avarías sen resolver despois de tres meses, como no caso das vallas colocadas nunha arqueta de saneamento fronte as instalacións dunha empresa de transportes na carreteira N-640, que leva tres meses vertendo auga (axúntase foto). En canto á elaboración do PXOM, os grupos da oposición non recibiron a día de hoxe por parte do concello ningún avance nin proposta en relación coa súa elaboración. Achacamos esta desatención continuada ao feito de que o Sr Balseiro está moi ocupado con outros asuntos de partido alleos ao concello, que non lle permiten atender como se merece aos veciños deste concello.
Pilar Armada, concelleira de asuntos sociais, muller e seguridade cidadá, a pesar de ter unhas áreas que afectan de forma moi importante a maioría da poboación de Cervo, non e capaz de xestionar de forma áxil ningunha das áreas, e moi especialmente no caso das axudas a domicilio, obrigando as persoas do medio rural a ter que desprazarse a San Ciprián para os trámites, a pesar de contar co persoal cualificado nas instalacións do propio concello, que evitarían estes desprazamentos.
O Sr Basanta é o único concelleiro que dende o noso punto de vista dedica algo de tempo ao concello, pero con pouca sorte posto que tódolos marróns derivados da falla de dedicación dos seus compañeiros, estalos a sufrir na súa persoa, no día a día no concello, ao ser o único que está presente dunha forma continua no mesmo.
Podémonos preguntar entonces a qué se dedican os concelleiros do PP en Cervo e a resposta é moi sinxela: pasáronse á oposición, inspeccionando e criticando as actuacións do goberno central, da Xunta e da Deputación, saíndo en prensa a criticar aos concelleiros do Grupo Socialista, as consellerías e a todo o que se mova.
Vertido de auga procedente dunha arqueta de saneamento no acceso as instalacións dunha empresa de transportes do Concello de Cervo.
Iso si, cando se trata de dar conta da súa xestión, que é polo que están gobernado, non atopamos moito do que falar, sinxelamente porque non hai.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
