BURELA (FNC) .- Un total de vintecinco obras presentaronse á 27 edición do premio de novela longa Blanco Amor que este ano organiza o Concello de Burela. A edil de Cultura, Neves Cando, asegura que “se mantén o nivel doutras edicións no que a media de presentación de traballos situase entre os 25 e os 30, o que nos permite afirmar que continúa con sona a convocatoria deste clásico da narrativa longa galega”. O xurado reunirase a finais do mes de marzo para despois a principios de abril dar a coñecer o nome do autor ou autora gañador deste importante premio.
A concelleira nacionalista sinala que “o xurado está formado por autores e autoras, críticos e críticas literarios de recoñecida valía que son xente nova ao igual que Burela que é un concello de xente nova e tamén son persoas vencelladas á nosa comarca, ademais de contar coa presenza da gañadora da pasada edición do Blanco Amor que foi Inma López Silva, unha recoñecida autora, doutora en filoloxía e especialista en teatro que ten publicados importantes libros sobre a historia do teatro galego, é columnista de coñecidos xornais e profesora da Escola de Arte Dramático de Galicia, a pesares da súa xuventude xa conta no seu haber con premios coma o Blanco Amor e o Xerais”.
Neves Cando explica tamén que outros membros do xurado son “Emilio Insúa, poeta viveirense, doutor en filoloxía galega e socio fundador e directivo do Seminario de Estudos Terras de Viveiro, é coautor de libros de texto de secundaria e bacharelato e máximo estudoso da figura de Antón Vilar Ponte. Contamos tamén con Olaia Cociña, poeta e xornalista de Viveiro, moi premiada xa no seu labor poético como demostra o premio Fiz Vergara Vilariño do pasado 2008. Tamén forma parte do xurado Santiago Jaureguizar, xornalista e autor de recoñecida traxectoria que ten no seu haber premios coma o Xerais e o García Barros de narrativa, moi vinculado ao movemento bravú é pioneiro na introdución da narrativa galega na rede e por último estará con nós Armando Requeixo que é un autor mindoniense, investigador e analista de figuras como Anxel Fole, Luis Seoane ou Celso Emilio Ferreiro, é ademais ensaísta, tradutor e membro do consello redactor de varias publicacións”.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
