NOTA DE PRENSA:
O candidato socialista á Presidencia da Xunta comprométese agora a estudar a creación do PAC de Foz despois de votar ata en cinco ocasións en contra desta reclamación e negarse a recibir aos integrantes da Comisión Focega en Defensa da Sanidade Pública
TOURIÑO PRETENDE “TOMAR O PELO” AOS VECIÑOS DE FOZ E DA MARIÑA PROMETENDO AGORA AQUILO QUE INCUMPRIU NA LEXISLATURA QUE REMATA
* Balseiro Orol afirma que Pérez Touriño esquece que “non todo vale por estar en campaña electoral” e lémbralle ao dirixente socialista que os veciños da Mariña teñen boa memoria e non se deixaran enganar polos artífices dos incumprimentos que propiciaron catro anos de deterioro do sistema público de saúde na nosa comarca.
A Mariña, 26 de febreiro de 2009.- Para o número tres da candidatura do Partido Popular de Galicia na nosa provincia, Jose Manuel Balseiro Orol o candidato socialista á Presidencia da Xunta, Emilio Pérez Touriño pretende tomar o pelo aos veciños de Foz e do resto da Mariña prometendo agora aquilo que incumpriu na lexislatura que remata.
PAC DE FOZ
Segundo se desprende das informacións recollidas en diversos medios de comunicación Touriño comprométese agora a estudar a creación do PAC (Punto de Atención Continuada) no concello de Foz despois de votar en contra desta reclamación ata en cinco ocasións no Parlamento de Galicia. O candidato socialista xunto co resto dos integrantes do Grupo parlamentario do PSOE e do BNG na Cámara autonómica negaron este servizo médico reclamado polos veciños de Foz, incumprindo a promesa efectuada na pasada campaña electoral tanto por Touriño como por Quintana e comprometida por escrito en varias cartas dirixidas á Comisión Focega en Defensa da Sanidade Pública. A maiores de todo isto, o candidato socialista negouse a recibir no seu despacho oficial da Xunta ou no Parlamento pese a telo reclamado formalmente.
Balseiro Orol afirma que Pérez Touriño esquece que non todo vale por estar en campaña electoral e lémbralle ao dirixente socialista que os veciños da Mariña teñen boa memoria e non se deixaran enganar polos artífices dos incumprimentos que propiciaron catro anos de deterioro do sistema público de saúde na nosa comarca.
NON HAI XESTIÓN, FALEMOS DE FUTURO
Ao mesmo tempo o dirixente do PPdeG lamenta que Touriño teña que falar do corredor da costa (VAC) e do abastecemento conxunto de Cervo e Burela como compromisos de futuro, tras converterse ambas actuacións en manifestos incumprimentos e obras pendentes na lexislatura que remata. De feito, a vía de alta capacidade entre Ferrol e San Ciprián non ten nin un só quilómetro en construción na nosa provincia, pola desidia e a falta de investimentos do actual Goberno da Xunta, e as obras de abastecemento levan un retraso considerable pola paralización que, nun primeiro momento e tras acceder o bipartito ao Goberno de Galicia, sufriu o proxecto sen ningún tipo de fundamento ou mellora técnica significativa.
Balseiro reclama que a partir do primeiro de marzo Touriño se dedique a outra cousa e non a enganar aos veciños da Mariña que xa coñecen a súa tendencia a prometer o que despois non cumpre cando se trata da nosa comarca.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
