XOVE .- O sábado 21 de febreiro tivo lugar o DESFILE ENTROIDO 2009, celebrado por segundo ano consecutivo despois de moitos anos sen celebrarse, organizado polo Concello de Xove a través da súa Concellería de Cultura. Do mesmo temos que destacar dúas cuestións principais, por un lado a afluencia masiva de público que ateigou as rúas de Xove, axudado por unha tarde preciosa, soleada, e por outro, o gran número de disfraces que participaron no Concurso: 42 individuais infantil, 8 individual adulto, 12 parellas, 19 grupos e comparsas e 11 carrozas, cun nivel de creatividade e imaxinación moi altos; ao desfile tamén se apuntaron moitos máis disfraces dos que sinalamos antes, pero que non quixeron entrar no Concurso, senón que preferiron estar para animar a festa. Se o pasado ano o desfile xa fora todo un éxito, as expectativas deste ano quedaron amplamente superadas, tanto en afluencia de público como en número e calidade de disfraces.
O Xurado, que estivo formado por catro persoas, todas de fora de Xove, decidiron que os premiados do Desfile foran os seguintes:
LISTA DE PREMIOS DO ANTROIDO 2.009 ORGANIZADO POLO CONCELLO DE XOVE
| NOME
(TÍTULO DO DISFRAZ) |
PREMIO |
| C-9 (“APOLO-CRISE”) | 1º PREMIO CARROZAS:
500 €UROS |
| C-7 (“BEBÉ +”) | 2º PREMIO CARROZAS:
300 €UROS |
| C-4 (“ALADIN E A LÁMPARA MARAVILLOSA”) | 3º PREMIO CARROZAS:
200 €UROS |
| C-2 (“OS BALLENEROS DE MORÁS”) | 4º PREMIO CARROZAS:
100 €UROS |
| G-1 (“OS FARALLÓNS DE SAN CIPRIÁN”) | 1º PREMIO GRUPOS E COMPARSAS:
350 EUROS |
| G-6 (“LA CASITA DEL DUENDE”) | 2º PREMIO GRUPOS E COMPARSAS:
250 EUROS |
| PILAR RIVAS VILLARQUIDE
G-15 (“OS BARRILETES”) |
3º PREMIO GRUPOS E COMPARSAS:
150 EUROS |
| G-18 (“DESCENSO DO RIO RIGUEIRA”) | 4º PREMIO GRUPOS E COMPARSAS:
80 EUROS |
| P-3 (“LOS CARACOLES GIGANTES”) | 1º PREMIO PARELLAS:
110 EUROS |
| P-2 (“BURBUJAS DE CHAMPÁN”) | 2º PREMIO PARELLAS:
80 EUROS |
| P-10 (“PARELLAS DE OCAS”) | 3º PREMIO PARELLAS:
50 EUROS |
| P-8 (“OS GNOMOS DO BOSQUE”) | 4º PREMIO PARELLAS:
30 EUROS |
| A-6 (“MÁSCARA DE SARGADELOS”) | 1º PREMIO INDIVIDUAL ADULTOS:
60 EUROS |
| A-2 (“MESA CAMILLA”) | 2º PREMIO INDIVIDUAL ADULTOS:
45 EUROS |
| A-7 (“MÁSCARA ESPALLADORA”) | 3º PREMIO INDIVIDUAL ADULTOS:
30 EUROS |
| A-3 (POLLO DESPLUMAO”) | 4º PREMIO INDIVIDUAL ADULTOS:
20 EUROS |
| I-25 (“CARACOL”) | 1º PREMIO INDIVIDUAL INFANTIL:
40 EUROS |
| I-24 (“PULPO”) | 2º PREMIO INDIVIDUAL INFANTIL:
30 EUROS |
| I-2 (“BARBIE MARIPOSA”) | 3º PREMIO INDIVIDUAL INFANTIL:
20 EUROS |
| I-8 (“PRINCESA MEDIEVAL”) | 4º PREMIO INDIVIDUAL INFANTIL:
10 EUROS |
Rematado o Desfile aproximadamente ás 18:30 da tarde no Pavillón Municipal de Deportes, e antes do espectáculo LUZESON que estaba previsto a continuación, tódolos participantes inscritos previamente no Desfile (inscritos ata o 20 de febreiro) recibiron un obsequio de parte do Concello como agradecemento a súa participación, obsequio gastronómico con productos típicos do antroido como chourizos, cachola, etc..
Do espectáculo LUZESÓN, música cun DJ e xogos para a xuventude, disfrutaron moitísimas persoas, especialmente nenos/as e rapaces/as, xa que a eles ía destinado. Rematado este espectáculo ás 10 da noite aproximadamente, a festa pasou á Carpa Multiusos do Concello onde centos de disfrazados disfrutaron dun Baile de Disfraces coa Orquestra La Oca ata altas horas da madrugada.
A entrega de premios, presentada polo Técnico de Cultura do Concello Mario Eijo, e coa presencia de membros do xurado, o Alcalde Demetrio Salgueiro, a Concelleira de Cultura Dolores Meitín e outros membros do equipo de goberno, realizouse na Carpa Multiusos a partires das 23:30 horas, no primeiro descanso do Baile.
A Concellería de Cultura quere agradecerlle a todo o público presente e a tódolos participantes no Desfile a súa participación neste Desfile.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
