BURELA (FNC) .- A teniente de alcalde e concelleira de Benestar Social, Neves Cando considera que “como xa nos ten acostumados desde hai tempo o PP de Burela vive lonxe da realidade e só aterriza de vez en cando aquí para sacarse a foto e no caso do temporal de xaneiro tamén”. A edil nacionalista segue a explicar que “despois de que se anunciase desde o Goberno galego xa no primeiro momento que se ían adoptar medidas urxentes para o financiamento dos danos ocasionados por este temporal e despois de que se aprobase no Consello da Xunta do 29 de xaneiro un decreto urxente de medidas extraordinarias é agora canto se entera o PP de Burela de que hai que tomar medidas”.
Cando di que “xa as distintas ordes das distintas consellerías do goberno galego farán fronte a estes danos ocasionados polo temporal. Temos que falar dos 3.800.000 euros da Consellería de Industria para os negocios, industrias e comercios que se viron afectados; dos 4 millóns de euros de Medio Rural para as explotacións agrícolas e gandeiras, a falla da orde que regule as destinadas ao forestal; dos 4 millóns de euros de Política Territorial para estradas e establecementos afectados en terreos de portos; do millón de euros de Presidencia para Concellos e para facer fronte aos danos persoais e do preto dun millón de euros de Vivenda e Cultura e Deporte para as vivendas e as instalacións deportivas que resultaron danadas. En total arredor de 14 millóns de euros que de maneira eficaz e rápida o Goberno galego puxo a disposición para paliar os danos que os afectados sofriron por ese temporal de xaneiro”.
A concelleira do BNG pregúntase “¿é onde estaba o PP de Burela que non se enterou disto?. Desde un primeiro momento xa estivemos actuando, porque aquel luns pola mañá cando no Concello estábamos acabando de avaliar os danos causados polo temporal xa as distintas administracións se puxeron en contacto con nós para solicitarnos unha valoración destes danos e asumilos, como foi o caso da Consellería de Cultura de Deporte e desta mesma área na Deputación de Lugo, que no caso de Burela nos pediron unha avaliación dos danos causados no noso campo de fútbol de A Marosa”.
Neves Cando insiste en que “actuouse dunha maneira rápida e eficaz e o PP de Burela máis obediente aos mandatos do seu partido obsesionado con esa fórmula da zona catastrófica, máis obediente ao seu partido que a outra cousas pois solicitou a celebración deste pleno extraordinario para pedir unha serie de axudas que estaban en marcha. Parece que os efectos do temporal lle afectaron tamén ao PP de Burela que aterrizou tarde, mal e arrastras neste tema porque a verdade é que ao mellor hai outros temporais internos que os teñen máis ocupados”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
