NOTA DE PRENSA (FNC)
O BNG URXE AO MINISTRO SEBASTIÁN QUE PRIORICE O MANTEMENTO DO EMPREGO EN ALCOA POR ENRIBA DOS INTERESES DAS ELÉCTRICAS.
A Mariña, 16 de febreiro de 2009. O BNG urxe ao goberno do estado e ao ministro de Industria, Miguel Sebastián “a que coa máxima premura se lle dea unha solución ao problema tarifario que se plantexa coa empresa Alcoa”. O responsable comarcal do Bloque, Xosé Ramón Ermida considera que “non se trata de poñer enriba da mesa a importancia que Aloca ten para a comarca da Mariña tanto pola man de obra ocupada como polo que representa no PIB da provincia de Lugo. En todo caso nós pensamos que esta solución é urxente porque o propio acordo ao que se chegou por parte das grandes consumidoras eléctricas e o goberno no momento no que se derogou a tarifa G4 significa un puñal no pescozo destas grandes empresas xa que a partires do 1 de xaneiro cada día que pasa aumenta nun 5% o prexo da enerxía”.
Desde o BNG “imos intervir para presionar tando no plano lexislativo como no plano gubernativo e mesmo no plano social. Pensamos que o Goberno do Estado, e neste caso o ministro Sebastián ten que pasar das boas palabras so feitos e o que non é de recibo é esta posición de pasividade que se está a manter por parte de quen ten as competencias e, en todo caso, sin ter en conta os perxuizos que esta inhibición pode traer para o conxunto da comarca da Mariña e mesmo para o conxunto de Galiza”. Ermida engade que “o que non nos vale é que se bote man de argucias do tipo que si o déficit tarifario pode aumentar ou que se está interferindo no que é a libre competencia posto que neste momento mesmo gobernos da UE como Italia con situación iguais e coa mesma empresa pois xa teñen posto en marcha solución enriba da mesa”.
Os nacionalistas din que “estamos nun marco, o que se abre coa supresión da G4, que nace no momento no que o PP decide acudir á liberalización do mercado eléctrico. Pero este marco, aprobado polo PP e que para todo o que representa Alcoa neste país significa unha auténtica soga, non pode ser excusa para que se poñan enriba da mesa alternativas”. Xosé Ramón Ermida sinala que “entendemos que é fundamental en que por unha parte se adopte unha actitude activa na negociación existente entre os consumidores acollidos á tarifa G4 e as empresas eléctricas utilizando todos os instrumentos que o Goberno do estado teña ao seu alcance para acadar un acordo no prazo máis breve posible. Un acordo que debe garantir a continuidade da producción e particular e fundamentalmente o mantemento do emprego pondo este elemento por enriba dos intereses empresariais e particulares”.
O responsable comarcal do BNG segue a explicar que “en segundo lugar o Goberno tería que xestionar correctamente as aportacións feitas desde o sistema eléctrico, en concreto a fixación de peaxe de acceso é un sistema de pagos por ininterrumpibilidade para conceder continuidade a estas empresas mesmo en desenvolvemento do que é a coherencia do sistema global. Como acreditan estudos técnicos colocar a electricidade das Pontes en Madrid encarece nuns 10 euros o prezo do megawatio, é máis barata a enerxía desde San Cibrao que desde Madrid”.
Ermida insiste en que “non se pode mirar cara outro lado. É o momento de poñer solución enriba da mesa e nese sentido imos repetir e reiterar que o Ministerio de Industria ten que intervir porque nos estamos xogando moito”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
