Antisufraxistas nos Estados Unidos
A MARIÑA .- Entidades e institucións conmemoran nestes días con actos diversos o 8 de marzo, Día Internacional da Muller. Con este motivo a Xunta de Galicia fixo unha declaración institucional na que ” a aposta polas mulleres do noso país para que nestes novos tempos o camiño marcado non sexa desandado e a igualdade de oportunidades sexa, á fin, unha realidade”. Tamén concellos e entidades de A Mariña organizaron actos conmemorativos nestes días.
Nota de Prensa
Declaración institucional en conmemoración do 8 de marzo, Día Internacional da Muller
Santiago, 8 de marzo de 2009.- A plena participación da muller na vida política, civil, económica, social e cultural en condicións de igualdade e a erradicación de todas as formas de discriminación baseadas no sexo son obxectivos prioritarios da comunidade internacional, e por ende, da comunidade galega.
En concordancia con estes obxectivos, o compromiso da Xunta de Galicia coa igualdade e o emprego das mulleres galegas viuse plasmando a través das actuacións e iniciativas levadas a cabo nestes últimos anos. Así, a Lei do traballo en igualdade das mulleres de Galicia, e as posteriores normas de desenvolvemento dos seus postulados, dotaron as mulleres galegas de instrumentos para que esta igualdade sexa efectiva.
Así mesmo, as medidas concretas acordadas no proceso de Diálogo Social, en materia de emprego e relacións laborais, buscan desenvolver un conxunto de liñas de acción política, informadas polo concepto de transversalidade, co obxectivo último de rematar coas discriminacións salariais e de calquera outro tipo da muller traballadora.
A sociedade galega conta, polo tanto, con canles e medios de recoñecemento para que as mulleres galegas, que dende tempos remotos vían como os seus dereitos non eran recoñecidos en condicións de igualdade, os fagan agora efectivos.
As políticas públicas postas en marcha na nosa comunidade destinadas a favorecer a incorporación igualitaria das mulleres no mercado laboral, a pesar do avance que supuxeron, precisan, máis ca nunca, que continuemos incidindo neste ámbito, porque o panorama que se nos presenta evidencia esta necesidade, xa que, nestes tempos onde a crise incide nas empresas e, como consecuencia, aos traballadores e traballadoras, necesitamos que os logros acadados, nos sexan esquecidos e que non sexa a muller, unha vez máis, a que sufra máis directamente as consecuencias desta situación. Polo tanto, debemos persistir no novo modelo económico e social onde o concepto de igualdade real e efectiva e o de plena incorporación de homes e mulleres sexan o elemento clave de produtividade e eficiencia.
Unha sociedade moderna e avanzada, como a galega, non pode nin debe deixar de contar coa contribución dunhas mulleres, as galegas, formadas e capacitadas, que supoñen máis do 50% da nosa poboación.
Por todo isto, faise necesario continuar potenciando actuacións para acadar a igualdade no ámbito laboral: igualdade en canto ao salario e calidade do emprego; a promoción de políticas para fomento da igualdade nas empresas; a posta en marcha de campañas informativas e de sensibilización e medidas conciliación da vida laboral e persoal.
Reafirmamos así, desde a Xunta de Galicia, a aposta polas mulleres do noso país para que nestes novos tempos o camiño marcado non sexa desandado e a igualdade de oportunidades sexa, á fin, unha realidade.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
