Por Emilio González Legaspi
Cando as cousas andan mal ao pobo hai que darlle pan e circo, como xa dicían os romanos. Penso que poñer en discusión a estas alturas unha nova lei do aborto pode ser unha cortina de fume para os estrategas políticos e unha ocasión para xerarquía eclesiástica de botar leña no lume. Vaia por diante que tanto o goberno coma os bispos teñen dereito a expresarse e expoñer os debates que consideren pertinentes en cada momento, pero tamén deberan de analizar as posibles consecuencias.
Non vou facer un alegado nin a favor nin en contra do aborto, por que considero que é algo que pertence á conciencia de cada quen, que socialmente pode considerarse un fracaso e persoalmente unha dilema cheo de frustracións e de angustia. Penso que o goberno o que tiña que facer é poñer os medios para que se cumprise a lei que está en vigor, porque de pouco serve facer unha nova lei que logo, por desidia administrativa e obxeccións interesadas, vai seguir sen solucionar os problemas das mulleres que se teñan que enfrontar ao trauma de interromper o embarazo.
Pola súa banda a curia episcopal debera ser un pouco menos hipócrita e mais coherente coa defensa da vida. Historicamente a súa defensa da vida dependeu dos intereses de dominio sobre territorios e persoas e ten participado en guerras, xustificado gobernos totalitarios e creado a Santa Inquisición que se adicaba a matar os xa nacidos en nome de Deus. Actualmente está gastando centos de millóns de euros para enfrontar a sociedade coa escusa de salvar os “non nacidos”, pero non manifesta o mesmo interese polas persoas vivas e “xa nacidas”. A min agostaríame que adicase o mesmo diñeiro e esforzo para defender a vida dos nenos que teñen que depender dos avances científicos para sobrevivir e que a curia critica, tanto ás familias coma aos médicos que salvan vidas. Gustaríame que investisen nos países subdesenvolvidos de África e influísen nas súas autoridades para diminuír a epidemia de SIDA, que todos os días mata centos de nenos e maiores en condicións infrahumanas, pero en troques adícanse a mentalizalos para que non usen o preservativo, que é o único método que teñen ao seu alcance para diminuír o andazo. Gustaríame que se arrepuxera coa mesma forza contra as guerras inxustas, contra a explotación de nenos en todo o mundo, contra a aniquilación de tribos enteiras por intereses puramente comerciais, pero o único que escoito é o silencio máis absoluto cando os nenos morren en Gaza, na prostitución asiática, nas minas de coltán ou nas matos de América. Gustaríame que o interese que mostran pola dignidade dos neonatos fose o mesmo para os nenos que foron humillados sexualmente dentro de institucións eclesiásticas. Gustaríame que deixasen de ser hipócritas sepulcros branqueados e os cartos desta campaña fratricida os adicaran a evitar que se produzan embarazos non desexados.
Pero xa vedes, tal como dicía o Mestre, polos seus feitos habédelos coñecer. Todos os meus respectos, admiración e apoio para a Igrexa que traballa pola dignidade dos desfavorecidos en todo o mundo. Eles tamén teñen que padecer a falta de medios derivada dos erros dos pastores.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
