O BNG de Barreiros pedirá explicacións no pleno sobre o uso que se lle está dando ao coche de Protección Civil

NOTA DE PRENSA (FNC)

O BNG PEDIRÁ EXPLICACIÓNS EN PLENO DO USO QUE SE LLE ESTÁ A DAR AO VEHÍCULO DE PROTECCIÓN CIVIL. OS NACIONALISTAS DIN QUE SE EMPREGA PARA FACER VIAXES PARTICULARES QUE NADA TEÑEN QUE VER CO CONCELLO DE BARREIROS.

Barreiros, 18 de marzo de 2009. O grupo municipal do BNG de Barreiros pedirá explicacións no vindeiro pleno do Concello sobre o uso que se lle está a dar ao vehículo de protección civil. Os nacionalistas aseguran que “é un vehículo que foi cedido pola Xunta no ano 2000 e foi cedido nunhas determinadas condicións para o seu uso que están reguladas nunha orde do 6 de maio do 99 e aí di que é o que se pode facer con ese coche e que é o que non se pode facer con ese Nissan Patrol”.

O BNG lembra que “xa o advertimos e o denunciamos en máis dunha ocasión que se veñen facendo actividades e viaxes particulares incluso moitos deles fora do concello. Son viaxes que nada teñen que ver co traballo propio de protección civil ou de calquera outro servizo do Concello. O máis grave é que se utiliza para transportar persoas a determinadas viaxes que nada teñen que ver co Concello de Barreiros, igual teñen que ver con algún familiar dalgún traballador do Concello, eso sí, pero nunca, nunca co Concello”.

O grupo municipal nacionalista quere recordar que “o Concello de Barreiros hai uns meses a instancias do PP aprobou un plan de austeridade dada a situación económica que se está a vivir e nesa proposta, que foi aprobada por todos os grupos, se pretendían reducir gastos superfluos e chócanos moito que nestes aires de austeridade que parece expirar o PP no Concello de Barreiros o alcalde mire cara outro lado cando hai denuncias do BNG e hai queixas dos veciños cando co coche de protección civil se están a facer traballos que nada teñen que ver co Concello e que ademáis teñen un custe e un desgaste para o coche a finais de mes. Non cremos que que a economía local estea para permitirle luxos a un determinado traballador do Concello ao que non se coñece coche particular ningún, só se lle coñece para o seu uso público e particular o coche de protección civil do Concello”.

O Bloque Nacionalista Galego esixirá que “desde a alcaldía de Barreiros se tomen cartas no asunto. Nós imos pedir toda a relación de viaxes feitas polo vehículo de protección, toda a relación de facturas de gasoil e doutros gastos deste coche durante o ano 2008 e do que vai do 2009. Todo esto o facemos pola boa imaxe do Concello porque desde logo que cando moitas persoas ven e moitos contribuintes ven que este señor usa o coche única e exclusivamente tamén fora das horas de traballo para o seu servizo particular, pois moita xente á lle costa moito chegar a fin de semana desde logo que se poñen de moi mal xenio e con moita razón, e por outra lado para conseguir ese aforro económico que naquel plan de austeridade que presentou o PP se pretende conseguir. Tamén é probable que o alcalde non saiba nada (o que sería máis grave) e igual temos que avísalo porque non se entera do que se fai a determinadas horas co vehículo de protección civil”.