Mondoñedo, 26 de febreiro, 2026. O sábado 28 de febreiro o ensaísta, crítico literario e investigador Luís Alonso Girgado recibirá a distinción de Cunqueiriano de Honra de 2026. Será no Salón de Plenos do Concello de Mondoñedo ás 12:00h, onde estará acompañado por diversas autoridades, os membros da comisión que o distinguiu e representantes asociativos e educativos da cidade. Converterase, así, no décimo homenaxeado dende que se instituíu este galardón.
Con anterioridade, a partir das 11:00h, no Cemiterio Vello da cidade terá lugar a tradicional ofrenda floral diante a campa do insigne escritor, que estará presidida como anfitrión polo alcalde da localidade, Manuel Otero Legide, e á que asistirán tamén autoridades provinciais, autonómicas e doutros concellos.
O Concello de Mondoñedo e a Casa Museo Álvaro Cunqueiro promoven a distinción de Cunqueiriano de Honra co fin de recoñecer o labor daqueles persoeiros que se teñen significado na visibilización e proxección da figura do escritor mindoniense.
Neste 2026 unha comisión designada ao efecto polo Concello de Mondoñedo e a Casa Museo Álvaro Cunqueiro, organizadores do evento, decidiu premiar a longa e vizosa traxectoria dun gran coñecedor da figura de Cunqueiro como é o estudoso e crítico literario Luís Alonso Girgado.
A comisión que o elixiu, por maioría, estivo formada por César Cunqueiro (fillo do escritor), Xosé Manuel Soutullo (director xeral da Editorial Galaxia, entidade Cunqueiriana de Honra do ano anterior), Alberto García Fernández (Concelleiro de Cultura, Educación e Novas Tecnoloxías), Antonio Reigosa (Cronista Oficial de Mondoñedo), Abel Vigo García (Técnico municipal), Miguel González Somovilla (xornalista e estudoso da obra de Cunqueiro) e Armando Requeixo (Coordinador da CMAC).
A patir das 12:00h terá lugar o acto de central de entrega da distinción de Cunqueiriano de Honra de 2026 no Salón de Plenos do Concello. Alí intervirán as autoridades presentes, fará a loa do homenaxeado o responsable da CMAC Armando Requeixo e logo tomará a palabra Luís Alonso Girgado. Para rematar, darase lectura pública entre os presentes a unha escolma da obra xornalística cunqueiriana seleccionada polo propio homenaxeado.
Luís Alonso Girgado (Ferrol, 1946) é un dos máis destacados ensaístas e críticos galegos das últimas décadas. Catedrático de Lingua e Literatura, foi durantes anos secretario científico do Centro Ramón Piñeiro para a Investigación en Humanidades.
Como estudoso da obra cunqueiriana foi o responsable da edición da articulística do mindoniense reunida en Encuentros, caminos y noticias en el Reino de la Tierra (1992), ‘Los días’ en ‘La Noche’ (2012), ‘Los otros rostros’ (1975-1981) en ‘Sábado Gráfico’ (2013), das colectáneas cunqueirianas Prólogos, epílogos y otros escritos dispersos (2011) e Remuíño de prosas (2011), dos facsímiles da revista Galiza (1999) dirixida por Cunqueiro nos anos trinta e da Soma de craridades por Álvaro Cunqueiro e unha carta a Luís Seoane por Santiago Montero Díaz (2011), da edición do poemario cunqueiriano Elegías y canciones (2013), e do dobre dvd Álvaro Cunqueiro (1911-1981) (2013), tendo animado como director dos Cadernos Ramón Piñeiro a publicación dos epistolarios Saiban cantos estas cartas viren… Álvaro Cunqueiro e Alberto Casal (1955-1961) (2012) e Cunqueiro, destinatario (2014).
Coa designación de Luís Alonso Girgado como Cunqueiriano de Honra de 2026 (que inclúe figura conmemorativa e diploma acreditativo) o Concello de Mondoñedo e a Casa Museo Álvaro Cunqueiro consolidan a traxectoria destes nomeamentos, que en anos anteriores recoñeceron o labor de persoeiros como Darío Villanueva, Víctor F. Freixanes , Rexina Vega, César Antonio Molina, Manuel Lourenzo ou Claudio Rodríguez Fer, entre outros.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
