O delegado territorial, Javier Arias, explica que en 2025 acolléronse a este programa para garantir a remuda xeracional establecementos de Lugo, Vilalba, Abadín, Bóveda, Carballedo, Burela e Viveiro, que sumaron apoios por case 100.000 euros
Lugo, 23 de febreiro de 2026. A Consellería de Emprego, Comercio e Emigración mantén aberto o prazo de solicitude das axudas do Bono Remuda, orientado a evitar o peche de negocios por falla de remuda xeracional, dentro da convocatoria única para persoas traballadoras autónomas. As solicitudes poden presentarse ata o 30 de setembro ou ata o esgotamento do crédito.
O delegado territorial da Xunta Javier Arias, visitou hoxe un dos establecementos da capital lucense que se acolleron á convocatoria de 2025, Mel-Fror, especializado en produtos ecolóxicos e nutrición.
No conxunto da provincia, o ano pasado estas achegas axudaron a garantir o futuro de tres negocios na cidade de Lugo, dous en Vilalba e un en cada un dos seguintes concellos: Abadín, Bóveda, Carballedo, Burela e Viveiro.
Os incentivos concedidos suman preto de 100.000 euros e os sectores son moi variados. Así, figuran comercios adicados á venda de flores e plantas, calzado, libros, produtos farmacéuticos, repostos de vehículos ou barbarías, entre outros.
Para fomentar a transmisión de negocios que son viables economicamente, o Goberno galego incrementou este ano o orzamento do programa nun 20 %, ata alcanzar os 1,5 millóns de euros.
A iniciativa conta con dúas liñas: o Bono Remuda Rural, para negocios situados en concellos de menos de 10.000 habitantes; e o Bono Remuda Xeral, para os municipios con máis poboación. No primeiro subvenciónase o 75 % do prezo do contrato de relevo; e no segundo o 70%. A contía máxima da axuda con carácter xeral será de 30.000 euros, coas excepcións recollidas na convocatoria.
Orde unificada para persoas autónomas
O Bono Remuda está incluído nunha orde única para persoas autónomas, que abrangue cinco programas. Este ano inclúe novidades na medida de promoción do emprego autónomo (28,9 M€), ao ampliarse a dous anos a cobertura da cota cero aos traballadores que inicien a súa actividade asociada á agricultura, gandaría ou silvicultura, fronte aos 12 meses da liña xeral. A convocatoria contén tamén o Bono Nova Oportunidade (1,5 M€), para retornar ao autoemprego; o Bono Autónomo (8 M€), axudas a investimentos e melloras en negocios con máis de 42 meses activos; e incentivos á conciliación familiar (750.000 €).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
