BURELA .- (FNC)A Concellaría de Mar que dirixe Remedios López Villar realizará en Semana Santa un curso de formación para os interesados en ter o título de patrón de embarcacións deportivas a motor. Segundo explica a edil socialista “este curso, necesario para patronear lanchas de ata 6 metros de eslora e 40 Kw de potencia, realizarase os días 10 e 11 de Abril nas aulas de Expomar a parte teórica; e nunha lancha, se o tempo o permite, no porto de Burela terá lugar a formación práctica”.
Remedios López lembra que “poderán participar todos aqueles interesados maiores de 18 anos ou maiores de 16 con permiso paterno. O curso está limitado a 20 persoas e o custe será de 200€ , ainda que será gratis para todos aqueles que estean empadroados no Concello de Burela”.
A concelleira de Mar sinala que “este curso xa se realizou o ano pasado e cubríronse todas as prazas, co cal este ano esperamos que teña a mesma aceptación. Recordamos, tamén, que temos aberta unha lista para os interesados en facer o curso de Socorrista Acuático, e que se iniciará unha vez que se xunte un mínimo de 15 persoas. Con estes cursos dende a concellería do mar, pretendemos inculcar coñecementos náuticos básicos na poboación para comezar a navegar con seguridade, adquirir coñecementos de sinais e unha pequena formación lexislativa xa que para Burela o mar é un gran referente”
ÚLTIMA HORA
- A procesión marítima do Carme reúne á flota de Burela e a autoridades galegas
- O PSdeG de O Valadouro avanza na preparación das municipais de 2027
- A Heroican Race de Ribadeo incorpora ZIVA como patrocinador principal e dá un salto de calidade
- O IES de Ribadeo celebra a graduación de 2º de Bacharelato cun formato renovado e máis participativo
- O colexio Sagrado Corazón, de Ribadeo, celebrou unha cerimonia de graduación para o alumnado que rematou este curso sexto de Educación Infantil, a súa primeira etapa escolar no centro
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción. - Un coro de 400 nenas e nenos de toda Galicia interpretou este veners en Vilalba poemas da Terra Chá no concerto No bico un cantar
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas. - O Cupón Diario da ONCE repartiu en Meira un total de 350.000 euros, correspondentes a dez cupóns premiados con 35.000 euros cada un no sorteo do xoves 4 de xuño
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior. - O Concello de El Franco presenta “Conciliando tu verano rural 2026”
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello. - O CEIP Península da Paz, de San Cibrao, celebrará o seu 40 aniversario o martes 9 de xuño ás 17:00 horas nas instalacións do propio centro
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas. - O Bar O Faro de San Cibrao celebrou o pasado sábado, 30 de xuño, o seu décimo aniversario cunha xornada especial que reuniu clientes, amizades e veciñanza
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo. - A sala de exposicións de Regalxunqueira, Viveiro, acolle ata o 30 de xuño a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.
2021 Crónica 3 A Mariña - Implementado por GaliciaDigital