RIBADEO .- Abriu a terceira edición da exposición de arte contemporáneo Mariñaarte no Forte de San Damián en Ribadeo, durante un acto no que tomaron parte o delegado da Área de Cultura de Deputación, o nacionalista Antonio Veiga, o alcalde de Ribadeo, Fernando Suárez, a concelleira de Cultura, Mariluz Álvarez, e varios dos artistas que expoñen as súa obra nesta mostra. En Mariñaarte poden contemplarse traballos de Jorge Monlongo, David Ribas, David R. Cases, Álvaro Casado, Julia Díaz, Ánxela López, Patricia Gómez, Adriana Pardo, Oliver Requeijo, Esteban Bermúdez e Xosé Quiroga.
NOTA DE PRENSA
A ÁREA DE CULTURA DA DEPUTACIÓN PROMOVE UNHA NOVA EDICIÓN DA EXPOSICIÓN DE ARTE CONTEMPORÁNEO MARIÑAARTE
Antonio Veiga salientou que iniciativas culturais coma esta “fomentan e dan a coñecer a obra e os artistas máis novos da zona da Mariña”
O Forte de San Damián acolle esta mostra ata o vindeiro 26 de abril
LUGO, 4 de abril de 2009. O delegado da Área de Cultura de Deputación, o nacionalista Antonio Veiga, inaugurou este sábado a terceira edición da exposición de arte contemporáneo Mariñaarte no Forte de San Damián en Ribadeo. No acto tamén estiveron presentes o alcalde de Ribadeo, Fernando Suárez, a concelleira de Cultura, Mariluz Álvarez, e varios dos artistas que expoñen as súa obra nesta mostra.
Nesta última edición, Mariñaarte tenta achegar ao público a obra dos artistas máis novos da comarca da Mariña. Finalmente participan na mostra un total de 11 artistas: Jorge Monlongo, David Ribas, David R. Cases, Álvaro Casado, Julia Díaz, Ánxela López, Patricia Gómez, Adriana Pardo, Oliver Requeijo, Esteban Bermúdez e Xosé Quiroga. A pintura, a fotografía, o performance, a videocreación e a escultura son algunhas das expresión artísticas empregadas por estes autores para plasmar a súa persoal e sorprendente visión do mundo.
Na súa intervención, Antonio Veiga resaltou a importancia da posta en marcha deste tipo de iniciativas culturais que “impulsan e dan a coñecer, nesta ocasión, a obra e os artistas máis novos da Mariña”. Ademais, esta exposición tenta achegar a arte contemporánea actual ao público en xeral pero, poñendo especial énfase en “espertar certa curiosidade por este mundo entre os rapaces e rapazas da zona”.
A elaboración dun catálogo e a posibilidade de que os alumnos de Primaria, ESO, Bacharelato e dos Ciclos Formativos realicen visitas guiadas ao Forte de San Damián completan a oferta cultural vinculada á mostra. Por último, cómpre salientar que a Área de Cultura da Deputación de Lugo colabora co Concello de Ribadeo, La Caixa e outros pequenos comercios na zona que organizan esta terceira edición da exposición Mariñaarte que se poderá visitar ata o vindeiro 26 de abril.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
