RIOTORTO .- O actual Conselleiro de Innovación e Industria, o nacionalista Fernando Blanco, inaugurou a III Feira da Artesanía do Ferro en Riotorto, na compaña do deputado da Área de Cultura da Deputación de Lugo, e do alcalde de Riotorto, os tamén nacionalistas Antonio Veiga e Federico Gutiérrez Estoa, respectivamente. Logo da inauguración e do pregón a cargo do doutor José González Vián, catedrático da Universidade Pública de Navarra, presenciaron varias demostracións en vivo da realización de pezas en ferro, así coma do mestre coiteleiro Daniel Vally, especialista en traballar con aceiro de Damasco.
Nota de Prensa
CELEBROUSE A III FEIRA DA ARTESANÍA DO FERRO EN RIOTORTO
Esta edición da feira foi inaugurada polo actual Conselleiro de Inovación e Industria, Fernando Blanco, que estivo acompañado do deputado da Área de Cultura da Deputación, Antonio Veiga, e do alcalde de Riotorto, Federico Gutiérrez Estoa
Riotorto, 5 de abril. O actual Conselleiro de Innovación e Industria, o nacionalista Fernando Blanco, inaugurou hoxe a III Feira da Artesanía do Ferro en Riotorto, na compaña do deputado da Área de Cultura da Deputación de Lugo, e do alcalde de Riotorto, os tamén nacionalistas Antonio Veiga e Federico Gutiérrez Estoa, respectivamente. Blanco lembrou a importancia que a artesanía do ferro ten para o concello de Riotorto non só desde o punto de vista etnográfico ou da tradición, senón tamén como un motor económico que sexa capaz de xerar emprego e riqueza como unha fonte de atracción do turismo. Neste sentido apuntou que “as institucións, co seu apoio, deben de contribuír a que a tradición do ferro se erixa como un piar de desenvolvemento económico e social”.
Logo da inauguración e do pregón a cargo do doutor José González Vián, catedrático da Universidade Pública de Navarra, as autoridades puideron presenciar varias demostracións en vivo da realización de pezas en ferro, así coma do mestre coiteleiro Daniel Vally, especialista en traballar con aceiro de Damasco. Nesta visita participou o deputado da Área de Cultura da Deputación de Lugo, Antonio Veiga, coa compaña do resto da comitiva, aproveitou para percorrer os preto de 30 postos adicados á exposición de artesanía, que incluían outro tipo de produtos a maiores dos realizados con ferro, como produtos gastronómicos, pratería, cestería ou traballos de coiro.
Esta é a III edición dunha Feira da Artesanía do Ferro que cada ano que pasa medra en interese e poder de convocatoria entre as xentes non só do propio concello, senón tamén das comarcas próximas. Non en van, as persoas que asisten poden gozar durante todo o día de demostracións en vivo e obradoiros do ferro para os máis pequenos. Ademais, para animar a xornada, sucédense ao longo do día os pasarrúas, os xogos populares e outras como xigantes e cabezudos. O punto final a esta edición da Feira da Artesanía do Ferro póñeno os compoñentes do grupo A Quenlla.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
