CERVO .- O Concello de Cervo non renovará o contrato de a 11 das 15 persoas que forman o Grupo Municipal de Intervención Rápida e que rematan a súa actividade o venres día 10. As persoas afectas estaban contratadas con cargo a unha subvención que lle concedeu a Xunta ao Concello de Cervo por un período de 9 meses.
Agora, o alcalde de Cervo, Alfonso Villares, pide que a Deputación de Lugo se faga cargo destes gastos, que o servicio sexa ininterrompido e que a Deputación pague os gastos do “persoal dos servicios de salvamento acuático en temporada de baño”.
NOTA DE PRENSA
O Ente provincial incumpre a Lei 5/2007 de Emerxencias de Galicia, aprobada polo bipartito, que obriga á Deputación a garantir a prestación dos servizos de protección civil naqueles municipios que non conten con servizos propios.
CERVO RECLAMA QUE A DEPUTACIÓN ASUMA O CUSTO DE MANTEMENTO DOS GRUMIR PARA QUE O SEU SERVIZO SEXA ININTERROMPIDO
• O día 10 de abril os integrantes dos Grupos de Intervención Rápida de Cervo rematarán o seu contrato de 9 meses subvencionado cada ano con cartos procedentes da Xunta de Galicia. A Deputación provincial non achega nin un só euro en cumprimento da obriga legal de garantir o servizo ininterrompido.
• A petición do Concello de Cervo non é un caso illado, a Deputación Provincial da Coruña subvenciona aos concellos da súa provincia con 30.000 euros para os servizos de salvamento acuático e 45.000 para o mantemento dos GRUMIR.
• Ao mesmo tempo reclámase ao organismo provincial a facerse cargo dos gastos de persoal dos servizos de Salvamento Acuático en temporada de baño.
Cervo, 8 de marzo de 2009.- O Concello de Cervo reclamará formalmente e por escrito, a través do seu Alcalde, Alfonso Villares Bermúdez, que a Deputación provincial de Lugo asuma o custo de mantemento dos Grupos Municipais de Intervención Rápida (GRUMIR) para que o seu servizo poida ser ininterrompido. De non ser así, o día 10 de abril os integrantes destes grupos adscritos ao servizo de Protección Civil finalizarán os seus contratos -que se prolongaron, grazas a unha subvención da Xunta de Galicia, por un período de 9 meses- o que suporá unha redución considerable do número de efectivos -no caso de Cervo pasan de 15 a 4- e dará lugar a un servizo en precario.
O Concello de Cervo basea a súa reclamación -que pode facerse extensible ao resto dos municipios da provincia con menos de 20.000 habitantes- no disposto na Lei 5/2007 de Emerxencias de Galicia, que foi aprobada polo extinto Goberno bipartito e que a Deputación de Lugo estaría a incumprir. Segundo o artigo 26 apartado e) do devandito texto legal as administracións provinciais teñen a obriga de “garantir a prestación do servizo de protección civil e xestión de emerxencias, incluídos os servizos contraincendios e de salvamento, naqueles municipios que non conten con servizos propios”. Curiosamente a Deputación Provincial de Lugo, da mesma cor política que o Goberno bipartito que aprobou esta lei, non achega nin un só euro en cumprimento desta obriga legal para garantir o servizo ininterrompido.
RAZÓN DE SER DAS DEPUTACIÓNS
Alfonso Villares, explica que a razón de ser das Deputacións provinciais está sustentada no seu papel como entes para colaborar na prestación de servizos básicos dos medianos e pequenos concellos. Cervo, como a inmensa maioría dos municipios lucenses con menos de 20.000 habitantes non teñen nin a capacidade económica nin a obriga legal de dispoñer de servizos de protección civil ou xestión das emerxencias contra incendios. De feito, para poder contar con estes efectivos é preciso dispoñer da colaboración e das achegas económicas doutras administracións. A día de hoxe, a Xunta de Galicia está a cumprir o seu compromiso a través da subvención para a contratación dos GRUMIR por un período de nove meses, así como tamén, a través da achega dunha cantidade económica dirixida a dotar de medios estes servizos e contratar a aqueles profesionais que se denominan GRUMIR estables -porque teñen contratos de duración anual prorrogables-. En todo caso, existe un período de tempo, no que os efectivos temporais do GRUMIR non teñen contrato en vigor e, polo tanto, no que se ve reducida a prestación deste servizo. Para evitar que esta situación aconteza o Concello de Cervo reclama a colaboración da Deputación provincial, tendo en conta ademais que constitúe unha obriga desta administracións legalmente recoñecida.
PRIORIDADE DE GASTO, GARANTIR UN SERVIZO ININTERROMPIDO
Segundo entende o Alcalde de Cervo resulta evidente que esta debera ser unha prioridade de gasto do Goberno provincial e, por iso, espera a boa acollida da súa proposta. En todo caso a institución provincial ten o deber de manifestar o seu compromiso e boa disposición articulando con urxencia unha fórmula de colaboración cos concellos que teñen necesidade e interese de garantir un servizo ininterrompido dos GRUMIR os 365 días do ano.
SALVAMENTO DE PRAIAS
Neste mesmo sentido, o Concello de Cervo insta tamén á Deputación Provincial a facer fronte aos gastos de persoal dos servizos de salvamento acuático en temporada de baño, tanto nas zonas costeiras como no interior. Esta reclamación fundaméntase no mesmo razoamento xa explicado e ten por obxecto facer efectiva a colaboración da Deputación cos municipios máis pequenos da provincia lucense.
PRECEDENTE: A DEPUTACIÓN DA CORUÑA
A maiores, cabe salientar, que a reclamación do Concello de Cervo non é un caso illado. Fundamentada ao abeiro do disposto na Lei de Emerxencias actualmente en vigor, existen exemplos nos que se está a poñer en práctica aquilo que se pide. De feito, a Deputación Provincial de Coruña, subvenciona aos concellos con 30.000 euros para os servizos de salvamento acuático e con 45.000 máis para os GRUMIR. Con estas cantidades, ou con cifras similares, sería posible garantir a non interrupción do servizo de protección civil durante o espazo de tempo no que a Xunta de Galicia non subvenciona os contratos dos GRUMIR. Suporía ademais un enorme avance en materia de seguridade pública dos nosos veciños e veciñas
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.