RIBADEO (FNC) .- Preto dunha veintena de ponentes participarán nas II Xornadas formativas sobre abordaxe integral da violencia de xénero desde o ámbito local que organiza a Concellaría de Muller de Ribadeo. A edil, Mariluz Álvarez Lastra, dixo que “desde o Concello queremos seguir afondando, reflexionando e dando información sobre os aspectos que debemos ter presentes os profesionais para abordar desde unha perspectiva integral a problemática da violencia de xénero no entorno máis inmediato e no que nos movemos que é o local”.
As xornadas desenvolveránse no salón de actos do IES Gamallo Fierros de Ribadeo os días 15 e16 de maio. O prazo de inscripción para participar neste evento péchase o 14 de maio. A matrícula poderá formalizarse persoalmente, vía fax ou ben mediante confirmación por correo electrónico, previo ingreso na conta bancaria de Caixonova do seu importe. A cota xeral é de 15 euros, mentras que estudantes e parados/as só pagarán 10 euros. O fax do CIM é o 982 120 888 e a dirección de correo electrónico: cim@ribadeo.org
Nas ponencias abordaránse cuestións coma “as pautas de prevención da violencia de xénero e as actuacións desde os ámbitos sanitario, educativo, xurídico e tamén desde as Forzas e Corpos de Seguridade do Estado. Outro capítulo é o destiñado ás boas prácticas e experiencias no ámbito local, no que se presentará un video didáctico para previr a violencia de xénero que foi elaborado polo Concello de Teo, tamén se presentará o protocolo interno do centro de saúde de Ribadeo e o blog do IES Juan José Calvo Miguel de Sotondrio en Asturias e o equipo de vixianza e apoio policial do Concello de Vigo falará da súa experiencia”, explicou Luisa González, responsable do CIM.
Protocolo do centro de saúde de Ribadeo
A enfermeira do centro de saúde de Ribadeo, Dolores García, sinalou que “o que presentaremos é o protocolo global de actuación que elaboramos nos últimos meses. Trátase de a través de certos indicadores de sospeita chegar a descubrir os casos de violencia de xénero que chegan ás nosas mans e que non son visibles nun primeiro examen ou recoñecemento. Tentamos sacar á luz aqueles casos que non son obvios. Recolle como hai que facer desde que unha muller chega á consulta, as preguntas que habería que plantexarlle e organizar todo o dispositivo para actuar unha vez que se confirme. O tratamento dos casos urxentes que chegan xa cun golpe, por exemplo, xa o analizamos o ano pasado”.
O CIM detectou no que vai deste ano 6 casos de violencia de xénero en Ribadeo, pero non todos foron denunciados, segundo explicou a responsable do CIM, Luis González. O ano pasado a cifra total de casos atendidos foi de 22.
A concelleira da Muller, Mariluz Álvarez Lastra, animou aos interesados a participar neste curso “tanto aos profesionais que obterán un certificado de asistencia, coma ao resto da poboación que pode asistir como ouvinte ás charlas que considere do seu interés, porque éste é un problema que nos afecta a todos”. O ano pasado participaron nestas xornadas formativas preto de 100 persoas chegadas desde diversos puntos de Galicia. A mesa de traballo que as organiza e que traballa na prevención e no estudio desta problemática é pioneira en Galicia.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
