FOZ .- O Concello de Foz xa recibe os servizos de R que xa completou unha primeira fase das tarefas de despregamento de rede no núcleo urbano; arestora estanse a acometer as obras na rúa Eduardo Pondal e de contado realizaranse os traballos na rúa Pascual Veiga.
Nota de Prensa
O Concello de Foz xa recibe os servizos de R
Está previsto que preto de 7.500 fogares e empresas de Foz dispoñan de conexión directa á rede de R para acceder aos servizos integrados de teléfono, internet de alta velocidade, televisión dixital e móbil R
Luns, 25 de maio de 2009.- Dende finais de 2008, os habitantes de Foz xa poden recibir os servizos de R. Deste xeito, o concello lucense entra a formar parte do grupo de localidades galegas que dispoñen de conexión directa á rede de telecomunicacións de última xeración que o operador está a despregar en toda a comunidade autónoma.
R prevé levar os servizos integrados de teléfono, internet de alta velocidade, televisión dixital e móbilR a preto de 7.500 fogares e locais empresariais de Foz. Cun investimento aproximado de 5,17 millóns de euros, R xa completou unha primeira fase das tarefas de despregamento de rede no núcleo urbano; arestora estanse a acometer as obras na rúa Eduardo Pondal e de contado realizaranse os traballos na rúa Pascual Veiga coa idea de rematar todas as tarefas de obra civil no mes de novembro, tras o parón do verán. Teranse despregado, entón, preto de 24 quilómetros de fibra óptica e uns 11 quilómetros de canalización. Ademais, instalarase unha cabina telefónica de R na rúa Vila de Sarria, 31, para abrir por vez primeira en Foz o servizo da telefonía pública á libre competencia.
Modernización coa fibra óptica
A posta en marcha do proxecto de R en Foz apoiouse na plena disposición e colaboración do concello desta localidade lucense que, dende o inicio, manifestou o seu interese por situar a súa poboación ao máis alto nivel en canto á dotación das infraestruturas tecnolóxicas, así como por facilitarlles aos seus cidadáns o acceso a todos os servizos da Sociedade da Información.
R, pola súa banda, está a facer un esforzo por materializar o seu compromiso con Galicia e estender ao máximo número posible de cidadáns a infraestrutura de telecomunicacións máis avanzada a nivel mundial.
Máis velocidade e móbil R
Grazas á nova e potente rede de fibra óptica que R está construíndo, rúa a rúa, os habitantes de Foz disporán de chamadas gratis a todos os fixos estatais e de internet de alta velocidade constante por fibra óptica, que ten duplicado para todos os clientes dende o ano pasado (ata 12 megas). Ademais, o servizo de televisión dixital interactiva de R ofrece calidade de imaxe e son dixitais por fibra óptica, máis de 80 canles, guía e miniguía electrónicas de programación e múltiples posibilidades de interactividade. E tan só a pouco máis dun ano do lanzamento de móbilR, integrado na oferta de telecomunicacións do operador galego, R xa conta con máis de 40.000 liñas de móbil e é pioneiro no mercado ao comezar a ofrecer chamadas gratis a móbiles de calquera operador dende o teléfono fixo para todos os seus clientes de televisión dixital e gratis a móbiles R para todos os seus clientes.
R na provincia de Lugo
Ademais de Foz, R conectou á súa rede de fibra óptica en 2008 aos concellos de Vilalba e Mondoñedo, que se incorporaron tamén, desta maneira, ao grupo de localidades que xa recibían os servizos de telecomuncacións do operador galego, como Lugo, Monforte, Sarria ou Chantada.
Ademais, R ten previsto tamén que se conecten á súa rede as poboacións de Ribadeo, Burela (a finais deste mes), Viveiro, Xove, Cervo e Barreiros ao longo deste ano para o que vai investir uns 20 millóns de euros de xeito que uns 23.000 fogares e negocios empresariais máis da provincia teñan acceso a su red de fibra óptica.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
