NOTA DE PRENSA
BARREIRO FIXO UN CHAMAMENTO Á PARTICIPACIÓN MASIVA NOS COMICIOS DO 7 DE XUÑO
* Os populares congregáronse na praza maior de Lugo para realizar a tradicional pegada de carteis no arraque oficial da campaña electoral das europeas
* O Presidente dos populares lucenses dixo que “votar ó PSOE é votar a Zapatero, a unha nefasta xestión que nos levou a acumular máis de catro millóns de parados; votar polo PP é apostar polo progreso e polo traballo”
Lugo, a 21 de maio de 2009.- O Partido Popular de Lugo abriu onte a campaña electoral dos comicios europeos coa tradicional pegada de carteis que se desenvolveu no templete da música da praza Maior e na que participaron, entre outros, o Presidente provincial José Manuel Barreiro; o conselleiro de Medio Rural Samuel Juárez, o deputado nacional Joaquín García, e os deputados autonómicos Jaime Castiñeira e Isabel García.
José Manuel Barreiro fixo durante a súa intervención un chamamento á “participación masiva” nestas eleccións porque, segundo salientou, son tamén moi importantes, xa que en Europa tómanse decisións que repercuten directamente ou condicionan o desenvolvemento de normas ou iniciativas a aplicar no noso país. “En Lugo sabemos ben as consecuencias que entraña que non se negocie ben en Bruselas. Non podemos permitirnos, dadas as circunstancias nas que nos atopamos, desaproveitar ningunha ocasión para facer oir a nosa voz naqueles foros nos que se deciden cuestións transcendentais para o noso futuro. Non podemos pasar. Temos que comprometernos e loitar na defensa dos nosos intereses”, asegurou.
Barreiro dixo que o Partido Popular sempre fixo gala dunha vocación europeísta, dun compromiso inequívoco co desenvolvemento de todo o que conleva e implica a idea dunha Europa unida e, segundo salientou, “aí están, para que os compare quen queira, os resultados obtidos polo PP e os que acadaron os socialistas: o recoñecemento e o prestixio fronte a desconfianza e a falta de peso no contexto internacional”.
“Votar ó PSOE o 7 de xuño é votar a Zapatero e á súa nefasta xestión que nos levou a ter catro millóns de parados e a maior crise económica que se lembra neste país. Votar ó Partido Popular é apostar pola progreso, por impulsar un cambio que nos axude a sair do pozo no que nos atopamos e por crear emprego, que é o que agora máis necesitamos”, resumiu.
Na opinión de José Manuel Barreiro o que precisa España neste intre é un un liderazgo forte, un proxecto político solvente e alguén que defenda os intereses do noso país por riba de todo. “E todo eso, sen dúbidas, podeo aportar o Partido Popular”, sentenciou.
O Presidente dos populares lucenses tamén animou ós militantes e simpatizantes alí congregados a traballar nestas eleccións como se dunhas autonómicas ou dunhas municipais se tratara. “É unha nova reválida que estou convencido de que, co voso apoio, ímola superar con nota”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
