BARREIROS (FNC).- O BNG de Barreiros manifestou o seu total apoio á mobilización convocada pola Mesa pola Normalización Lingüística para este domingo, 17 de maio, en defensa da lingua galega. Deste xeito, chamou á sociedade galega a participar masivamente na manifestación do domingo en Compostela para defender a lingua galega fronte á política contra o galego que está a pór en marcha o novo goberno do Partido Popular, “unha estratexia que obedece á dereita máis reaccionaria e centralista de Madrid e ás súas organizacións satélites en Galiza”.
Desde o BNG de Barreiros animouse aos barreirenses “a manifestarse este domingo contra a derogación do Decreto 124/2007 que pretende o novo goberno do PP, nun claro intento de involución dos dereitos lingüísticos da cidadanía galega, desmantelando puntos básicos da oficialidade do galego como o amparo xurídico en aspectos fundamentais como o ensino”.
Os nacionalistas apuntan que “é unha realidade que o idioma galego non se está a impor na sociedade. Pola contra, está en situación de inferioridade xurídica e social fronte ao español. As mentiras do PP e das súas organizacións non teñen nada que ver coa realidade, queren invertir o papel de opresor e oprimido. É a lingua galega a que está submetida ao español, a que sofre un patente proceso de substitución lingüística e a que segue estando marxinada nos medios de comunicación, na xustiza, no cine, na nosa vida diaria”.
No BNG de Barreiros sinalan que “as dificultades para vivir en galego son constantes, e agora o PP quere impedir que as xeracións futuras poidan medrar en galego. Por esta razón, o BNG de Barreiros reitérase no apoio á manifestación na defensa do galego deste domingo chamando á sociedade a saír á rúa para defender o idioma galego que se atopa en clara situación de desvantaxe, reclamando que se garanta o seu uso en sectores claves para a normalización dunha lingua como son o educativo, os servizos públicos, a xustiza ou os medios de comunicación”.
A debate no pleno
O BNG de Barreiros presentou tamén esta semana no Concello unha moción en defensa do idioma galego na que se lle pide á Corporación barreirense que “manteña e defenda os acordos unánimes adoptados polo Parlamento Galego para instrumentar as medidas de normalización do galego nos diversos ámbitos sociais. Así mesmo os nacionalistas barreirenses piden o apoio para o Manifesto pola convivencia lingüística e a iguladade de dereitos para o galego”.
O Bloque denuncia tamén que “o Concello de Barreiros non cumple a lei de normalización lingüística en moitas das súas relacións e comunicacións coa cidadanía, especialmente na escrita. Diversos documentos como por exemplo os orzamentos están publicados en castelán. Unha situación que resulta curiosa xa que o Concello ten contratada a unha persoa encargada da normalización lingüística”.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
