NOTA DE PRENSA:
O GPPP RESPONSABILIZA A BESTEIRO DO DEPLORABLE ESTADO NO QUE ESTÁN AS INSTALACIÓNS TURÍSTICAS DA DEPUTACIÓN
* Os populares achacan á deixadez e á vagancia do Presidente provincial o grave deterioro que presentan estas dependencias, algunhas incluso en estado ruinoso, cuxo mantemento depende, por decisión de el mesmo, de Suplusa
* Critican que os concursos para a concesión da xestión destas intalacións tardarán dous anos en resolverse
Lugo, a 7 de maio de 2009.- O Grupo provincial do Partido Popular considera que a vagancia da que fai gala o Presidente da Deputación José Ramón Gómez Besteiro está a chegar a extremos alarmantes e está a provocar, ademais, graves perxuizos económicos, así coma un salientable detrimento do patrimonio co que conta a administración provincial.
Así, o Grupo provincial do Partido Popular califica do “máis absoluto despropósito” que na orde do día da xunta de goberno da Deputación que se celebrará mañá se inclúa, dous anos despois de iniciarse o concurso, a constatación de que quedará deserta a concesión da explotación de diversas instalacións de propiedade provincial de salientable valor turístico.
Trátase, en concreto, das instalacións deportivo-recreativas de Augasmestas, no concello de Quiroga; da cafetería bar-quiosco en Augas Férreas, en Lugo; das dependencias existentes en San Facundo de Ribas de Miño, en Paradela; das de Doade, en Monforte de Lemos; da cafetería de todas as embarcacións de recreo coas que conta o organismo provincial; e as instalacións ubicadas na presa de Belesar, así como no pobo de Adega, en Chantada.
Os populares responsabilizan “de xeito directo e inequívoco” ó Presidente da Deputación José Ramón Gómez Besteiro desta situación “insólita”. Acúsano de non facer “absolutamente nada” por promocionar e sobre todo conservar e manter estas instalacións, que supuxeron unha importante inversión económica da administración provincial e, o que resulta aínda máis relevante, unha clara e decidida aposta polo aproveitamento dos recursos naturais cos que conta a provincia para o desenvolvemento turístico.
O GPPP sinala que o concurso para a concesión da xestión indirecta destas inatalacións abriuse en maio de 2007. Salienta, ademais, que un informe da xefatura da área de Urbanismo do 6 de setembro dese mesmo ano, aconsellaba que as concesións quedaran desertas porque, naques casos no que se presentaran ofertas, os aspirantes non cumplían os requisitos marcados nos plegos de condicións. No que atinxe ás dependencias existentes en Augas Férreas e as dúas existentes no municipio de Chantada ninguén amosou interese por facerse cargo da súa xestión.
Os populares chaman a atención tamén sobre o feito de que a mesa de contratación reuniuse hai dous meses para resolver estes concursos e que propuxo que éstes quedaran desertos basándose precisamente no informe de Urbanismo xa mencionado do 6 de setembro de 2007. É dicir, a Deputación tarda dous meses en levar este asunto á xunta de goberno, o que quere dicir que a resolución destes concursos demorouse dous anos sen necesidade.
O GPPP insistiu en responsabilizar directamente desta desfeita a José Ramón Gómez Besteiro porque un decreto asinado por el mesmo otorgaba a Suplusa o manteñemento das xa indicadas instalacións. Lembran os populares que o Presidente da Deputación é tamén o presidente de Suplusa. Polo tanto, o estado lamentable no que se atopan estas dependencias, un estado que nalgúns casos chega a ser ruinoso, é responsabilidade única de Gómez Besteiro.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
