NOTA DE PRENSA
A pesares da denuncia pública efectuada por Balseiro Orol nas pasadas semanas novas queixas dos usuarios destes servizos médicos poñen de relevo que a situación está a empeorar incrementándose as listas de espera nos centros que o Instituto Social da Mariña ten en Burela e Viveiro
O VOCEIRO DO MAR DO PPdeG PROMOVERÁ UN ACORDO DO PARLAMENTO DE GALICIA INSTANDO AO GOBERNO DE ZAPATERO A CORRIXIR AS DEMORAS NOS RECOÑECEMENTOS MÉDICOS DO ISM
* Os populares lembran que estas probas, que acreditan o bo estado de saúde daquelas persoas que van a embarcar, son preceptivas segundo a lexislación vixente.
* A través dunha proposición non de lei o PPdeG instará ao Goberno de Zapatero a artellar os mecanismos que sexan necesarios para dar solución a esta situación e, nomeadamente, reclamarán o reforzo dos medios persoais e materiais dispostos polo ISM nas comarcas da Mariña lucense, de tal xeito que se garanta a calidade desta prestación básica para a protección da seguridade e saúde das xentes do mar.
A Mariña, 30 de maio de 2009.- O parlamentario popular Jose Manuel Balseiro Orol ten constancia de novas queixas dos usuarios dos servizos médicos do Instituto Social da Mariña (ISM) na nosa comarca. A pesares de que fai unhas semanas o propio deputado popular efectuou unha denuncia pública na que puxo de relevo que se estaban a producir importantes demoras no establecemento das citas que este organismo outorga para que aqueles que teñen previsto embarcar poidan efectuar o correspondente recoñecemento médico, a situación está a empeorar e as listas de espera aumentan.
Ante esta circunstancia e convencido da necesidade de dar solución urxente á situación descrita Jose Manuel Balseiro, voceiro de asuntos do Mar do Grupo Parlamentario Popular, promoverá un acordo na Cámara autonómica a través do que se lle inste ao Goberno socialista central a artellar os mecanismos que sexan necesarios para dar solución a esta situación e, nomeadamente, reclamará o reforzo dos medios persoais e materiais dispostos polo ISM nas comarcas da Mariña lucense “de tal xeito que se garanta a calidade desta prestación básica para a protección da seguridade e saúde das xentes do mar”.
RECOÑECEMENTOS PRECEPTIVOS
Balseiro lembra que os recoñecementos médicos que o ISM practica, e a través dos que se acredita o bo estado de saúde daquelas persoas que van a embarcar, son preceptivos segundo a lexislación vixente. Pero como xa adiantou na súa primeira denuncia pública, os retrasos de ata tres meses –nos casos máis graves- ou o feito de que as probas médicas teñan que efectuarse en distintos días, fan que en moitas ocasións os mariñeiros e tripulantes das embarcacións pesqueiras perdan unha marea, ou teñan que modificar dun xeito prexudicial para os seus intereses as súas previsións de traballo no mar.
FUNCIONAMENTO ANÓMALO DA ADMINISTRACIÓN
“Non pode ser que un funcionamento anómalo da Administración Pública dependente do Goberno socialista de Zapatero vaia en prexuízo das xentes do mar. Estamos a falar dun servizo básico de importancia radical, por canto se trata de garantir que as persoas que embarcan poden facelo en perfecto estado de saúde. O esquecemento no que o Goberno central mantén á Mariña lucense non pode chegar ata estes extremos. De aí que, despois que a denuncia pública non fora suficiente, decidimos promover un acordo parlamentario para que sexan as institucións galegas e, de ser posible, por acordo de todas as forzas políticas, ás que insten a administración central a corrixir estas deficiencias. Seguramente así, farán caso”-explicou o voceiro do mar do PPdeG.
NOVAS QUEIXAS NAS OFICINAS PARLAMENTARIAS
O Instituto Social da Mariña practica recoñecementos médicos nas instalacións de Burela e Viveiro. Precisamente foi o mal funcionamento destes servizos os que levaron a moitos veciños desta comarca a trasladar a súa queixa e, neste caso, as súas novas inquedanzas, ata as oficinas parlamentarias do Partido Popular na Mariña, sitas en Viveiro e Ribadeo.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
