NOTA DE PRENSA
O deputado popular explica que a situación actual é transitoria debido á dificultade de cubrir a vacante de dous prazas de forenses que aprobaron o exame do MIR e abandonaron o servizo na nosa provincia
BALSEIRO XESTIONOU UNHA ENTREVISTA ENTRE O DIRECTOR XERAL DE XUSTIZA E AS EMPRESAS FUNERARIAS MARIÑÁS PARA AXILIZAR A SOLUCIÓN ANTE A PROBLEMÁTICA DAS AUTOPSIAS
• A cita terá lugar o martes 16 de xuño, ás 12.00 horas na sede deste organismo en Santiago de Compostela.
• Balseiro é optimista e entende que, como se trata dunha situación excepcional, unha vez cubertas as prazas dos facultativos de medicina legal, recuperarase o servizo no Hospital da Costa.
A Mariña, 10 de xuño de 2009.- O deputado popular Jose Manuel Balseiro Orol intermediou para dar solución á problemática xurdida pola imposibilidade de realizar autopsias no Hospital da Costa de Burela. De feito xestionou unha entrevista entre o director xeral de Xustiza, Juan José Martín Álvarez, e representantes das empresas funerarias da Mariña lucense que terá lugar o vindeiro martes 16 de xuño ás 12.00 horas na sede deste organismo en Santiago de Compostela. Na cita tamén aproveitarán para abordar outros asuntos de interese para as empresas funerarias.
Balseiro Orol interesouse por esta cuestión e explicou que a situación actual, que obriga ao traslado dos cadáveres que precisan da realización dunha autopsia ata o Hospital Xeral de Lugo, é transitoria e vén motivada pola vacante das dúas prazas de forenses no hospitais da provincia , “pois estes facultativos tras aprobar o exame do MIR abandonaron o servizo e agora debe iniciarse o procedemento de cobertura das prazas. Algo que leva o seu tempo pola dificultade de atopar candidatos interesados nas mesmas”
En todo caso, Balseiro Orol comprométese a traballar para que desde a nova administración autonómica desenvolvan a cobertura das prazas vacantes e a recuperación das autopsias na Mariña á maior brevidade posible e con carácter urxente. Lembra que a súa formación política foi liderou a ofensiva para denunciar as problemáticas que o traslado dos cadáveres provoca ás familias dos falecidos cando no seu momento a anterior Xunta de Galicia decidiu unilateralmente e de xeito permanente centralizar as autopsias na capital provincial. O deputado popular lembra que hai boa disposición para solucionar a problemática e que o caracter excepcional da situación actual permite ser optimista.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
