MONDOÑEDO .- O delegado da Área de Cultura da Deputación de Lugo, Antonio Veiga, participou na presentación do último número da revista diocesana “Amencer” que, nesta ocasión, toma a forma dun monográfico sobre a vida e obra do poeta Aquilino Iglesia Alvariño, cando se cumpren 100 anos do seu nacemento. A publicación, de 76 páxinas, foi elaborada polo alumnado e o profesorado da Escola Poética do Seminario de Mondoñedo da que o autor tamén foi membro
Nota de Prensa
AQUILINO IGLESIA ALVARIÑO PROTAGONIZA UN NÚMERO ESPECIAL DA REVISTA DIOCESANA “AMENCER”
Antonio Veiga salientou o gran interese cultural que esperta a figura e a obra deste poeta lucense, nado hai cen anos e que escribiu os seus primeiros textos
literarios no Seminario de Mondoñedo
LUGO, 10 de xuño de 2009. O delegado da Área de Cultura da Deputación de Lugo, Antonio Veiga, participou este mércores na presentación do último número da revista diocesana “Amencer” que, nesta ocasión, toma a forma dun monográfico sobre a vida e obra do poeta Aquilino Iglesia Alvariño, cando se cumpren 100 anos do seu nacemento. A publicación, de 76 páxinas, foi elaborada polo alumnado e o profesorado da Escola Poética do Seminario de Mondoñedo da que o autor tamén foi membro. A aula “Losada Quiroga” do Real Seminario Conciliar de Santa Catalina acolleu esta presentación na que tamén participaron o director da revista e condutor do acto, Francisco Rivas López, o responsable editorial da publicación, Félix Villares Mouteira, o escritor e xornalista, Ramón Loureiro, e o alcalde de Mondoñedo, o nacionalista Orlando González.
Na súa intervención, Antonio Veiga lembrou que Aquilino Iglesia Alvariño (Abadín, 1909 – Santiago de Compostela, 1961) comezou a escribir poesía no Seminario de Mondoñedo. De feito, o autor lucense publicou a súa primeira obra – “Señardá” (1930) – sendo aínda alumno deste centro. Xunto á obra de Xosé María Díaz Castro ou á de Xosé Crecente Vega, a súa poesía inscríbese na corrente literaria iniciada por Eduardo Noriega Varela denominada humanismo paisaxístico. Alén disto, o delegado da Área de Cultura da Deputación de Lugo salientou que “a súa produción literaria, escrita en lingua galega, é un legado cultural de gran interese social ao que os cidadáns temos acceso principalmente a través dos seus poemas, uns textos nos que a variedade paisaxística desta comarca e, por extensión, de Galiza é protagonista.”
Pola súa banda, o responsable editorial de “Amencer”, Félix Villares Mouteira, comentou que a vida e obra de Aquilino Iglesia Alvariño, unha escolma dos seus poemas e varios textos redactados para a ocasión por seis escritores galegos conforman os tres piares nos que se basea este proxecto cultural. A selección poética foi realizada polo propio alumnado do Seminario de Mondoñedo e, os textos literarios, redactados polos polo autores Manuel Aullo Cabana, Francisco Fernández del Riego, Manuel Regal Lego, Armando Requeixo, Alfonso Blanco Torrado e Xosé Antón Miguel Díaz.
Para concluír o acto, un recital poético e a actuación do grupo musical Aires do Padornelo puxeron o punto e final á presentación do exemplar número 205 da revista diocesana “Amecer”, convertido nun monográfico sobre a figura do poeta lucense Aquilino Iglesia Alvariño.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
