FOZ .- A Consellería de Medio Ambiente, Territorio e Infraestruturas, resolveu a adxudicación definitiva das obras de acondicionamento da estrada de Pozomouro a A Espiñeira por un importe total de 229.564 euros. Os traballos, que consisten na adaptación da estrada LU-150 ao plan de baixa de IMD (Intensidade Media Diaria) rematan de cara ao final de ano.
Nota de Prensa
A XUNTA ADXUDICA AS OBRAS DE ACONDICIONAMENTO DA ESTRADA POZOMOURO-A ESPIÑEIRA POR PRETO DE 250.000 EUROS
? Esta obra beneficiará a máis de 13.000 persoas dos concellos lucenses de Foz e Barreiros. Ten unha lonxitude de case un quilómetro
? Esta mellora desenvolverase nun único tramo, que conecta as zonas de Pozomouro (N-634) e A Espiñeira (N-642)
? A empresa adxudicataria destas obras é CRC Obras y Servizos e rematará as obras a finais do presente ano
Foz (Lugo), 10 de xuño de 2009.- A Xunta de Galicia, a través da Consellería de Medio Ambiente, Territorio e Infraestruturas, vén de resolver a adxudicación definitiva das obras de acondicionamento da estrada LU-150 Pozomouro (N-634)-A Espiñeira (LU-642), por un importe total de 229.564 de euros.
Esta obra, que levará a cabo a empresa CRC Obras y Servizos, desenvolveranse ao longo dos vindeiros seis meses, polo que as os traballos rematan de cara ao final de ano. Este vial pertence á Rede Secundaria de Estradas da Xunta de Galicia.
Este proxecto, financiado pola consellería que dirixe Agustín Hernández, consiste na adaptación da estrada LU-150 ao plan de baixa de IMD (Intensidade Media Diaria). Polo tanto, a empresa adxudicataria dará unha solución construtiva óptima, co detalle suficiente para facer factible a súa construción e posterior explotación.
Así, as condicións deste tramo melloraranse con dous carrís de 3 metros cada un, dúas beiravías e unha cuneta de 1,25 metros nos 660 primeiros metros do treito. A partir do punto quilométrico 0.66 ata o final, as beiravías estreitaranse (terán unha anchura de 0,50 metros), mentres que os carrís manterán o seu ancho.
Esta adaptación beneficiará aos veciños dos concellos lucenses de Foz e Barreiros, polo que darán servizo a máis de 13.132 habitantes destes dous concellos lucenses. Cómpre destacar que nos meses estivais o número de usuarios deste tramo se incrementará, xa que estes dous concellos da Mariña lucense son destinos vacacionais frecuentes para moitos galegos.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
