BARREIROS (FNC) .- Todo está listo para a inauguración do Eido Dourado do pintor e artista barreirense Celso Dourado o vindeiro sábado en A Pasada (Barreiros). Os actos arrincan ás 20:00 horas nun dos xardíns deste espazo que tamén é lugar de residencia do seu autor. A actriz e xornalista Comba Campoy será a encargada de conducir a primeira parte do evento, no que intervirán o alcalde de Barreiros, Alfonso Fuente; o delegado de Cultura da Deputación de Lugo e a directora do Museo Provincial de Lugo, Aurelia Balseiro.
Haberá tempo tamén para as actuacións musicais de Vadim Yukhnevich que interpretará “Cantigas do maio”, do Zeca Afonso, e poderase escoitar tamén a Tino Baz, Miro Casabella, Manolo Panforreteiro (gaita), Xurxo Varela (viola da gamba) e Oleksander Savchuk (viola). Haberá tamén unha intervención poética de Xabier Cordal, e do escultor Juan Puchades.
Xa pola noite, preto das 22:00 horas, na galería de arte Paulina Ceremuzynska interpretará cantigas medievais, unha actuación que precederá á apertura oficial a cargo de Celso Dourado. Unha hora máis tarde, a partires das 23:00 horas dará comenzo a festa-concerto que contará con Xurxo Souto como mestre de ceremonias. Nesta parte do acto de inauguración do Eido Dourado tocarán Miro Casabella e Tino Baz, mentres que o artista circense Andrés Pámpano realizará as súas intervencións entre o público. Tamén cantará Jara Ortiz, de Lúa da Fouce, e de novo a Vadim Yukhnevich, co acordeón, acompañando a Harry á gaita búlgara. A danza do ventre de Mónica, acompañada pola percusión de Antonio, o canto de Maureen e Petra, o grupo Kibitka ou Café Cachaza serán outras das actuacións da noite que culminará cunha queimada.
Apertura ao público o 1 de xullo
Eido Dourado poderáse visitar a partires do 1 de xullo de 11:30 a 14:00 horas polas mañás e de 18:00 a 22:00 horas polas tardes, agás os luns que permanecerá pechado. Nesta exposición permanente, que abrirá en períodos vacacionais ou previa cita telefónica no 982 12 44 51, pódese ver unha colección importante de distintas épocas e de distintas obras e técnicas de Celso Dourado. Este espazo foi deseñado e autoconstruido polo propio pintor con materiais reciclados na súa maior parte, empregáronse vellas vigas, antigos postes do tendido eléctrico e travesas do ferrocarril.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
