BURELA (FNC) .- O alcalde de Burela, Alfredo Llano, quéixase da merma que sofriron as axudas concedidas pola Xunta a través dos plans de cooperación local. O rexedor asegura que “nós este ano solicitamos 56 traballadores para xardinería, para obras, turismo, para o barco museo, para limpeza das praias, socorristas e para o grupo municipal de intervención rápida. E non estamos contentos co que nos acaban de conceder. Cando no pleno da semana pasada presentamos unha moción sobre este asunto existía preocupación polo que estaba a ocurrir, porque o ano pasado a mediados de maio xa sabíamos os efectivos cos que contaríamos e no caso do GMIR os contratos o ano pasado tiñan unha duración de seis meses e agora só veñen para seis meses e medio”.
Alfredo Llano considera que “se devaluou, que se baixou a axuda destiñada aos concellos. Son axudas moi importantes para favorecer a creación de emprego e agora estánse reducindo dalgunha maneira. A Burela só lle concederon 10 socorristas e 12 persoas para o GMIR cando nós pedimos moito máis… solicitamos limpiadores para as praias e cremos que imos recibir cero patarero, pedimos 6 xardiñeiros e non nos van dar ningún e outro persoal que agora mesmo si houbese intencionalidade de crear emprego xa estarían confirmados e polo que sabemos só imos contar con esas 22 persoas este ano”. O alcalde engade que “polo tanto a nosa moción estaba perfectamente xustificada no pleno da pasada semana. O PP si realmente quere convencer pois que conceda os postos demandados e que non merme as solicitudes plantexadas polos concellos”.
Festas de San Antonio
Por outra banda, Alfredo Llano, fai unha chamada á participación nas festas de San Antonio que se celebrarán o vindeiro sábado 13 de xuño no recinto da Casa da Xuventude. A partires das 12:00 haberá misa seguida de procesión e despois a actuación do grupo Kaoma. O rexedor sinala que “se trata dunha cita tamén coa tortilla porque as familias elaboran este exquisito manxar e despois degústano aproveitando a festa”.
ÚLTIMA HORA
- O Foro Social da Mariña trae a Burela o documental ‘Palestina, una tragedia permanente’
- Ribadeo acollerá este venres o I Encontro Forestal do Noroeste
- A Vicepresidencia da Deputación leva a Burela e Barreiros o documental “Prisciliano e a Gallaecia”
- O Festival da Terceira Idade de Alfoz homenaxeará ás persoas de máis idade e aos matrimonios que cumpren 50 anos
- 0 programa de promoción de produtos de razas autóctonas 'Un gusto de rural, un rural degusto' da Vicepresidencia da Deputacióm estivo presente no Mercadiño no Outono, organizado este domingo polo Concello de Barreiros
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño. - Dende o martes 13 e ata o venres, 16 de outubro, ambos incluídos, permanecerán cortados ao tráfico varios treitos da estrada provincial LU-P-2601 debido ao inicio dos traballos de aglomerado en quente nesta vía que comunica Xove co Portiño de Morás
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados. - A Deputación abriu o prazo do IX Concurso de Fotografía polo 20 aniversario da Reserva da Biosfera dos Ancares Lucenses, con premios de 800, 500 e 300 euros para imaxes que reflictan a riqueza natural e cultural do territorio
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses. - Evacuadas doce persoas dun tren detido no interior dun túnel debido a unha chapa na vía en Mañón
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi. - Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo. - Dúas alumnas do IES de Foz, Marta Chao e Kiara Cabado, de segundo curso do Ciclo Medio de Cociña, participarán a vindeira semana no 25 Campionato Mundial de Pizza Picante en Calabria (Italia)
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa. - Do 16 de outubro ao 15 de novembro, Mondoñedo acolle Gardiáns, o proxecto do fotógrafo lucense Jorge Arévalo que ofrece unha mirada íntima ás nosas razas autóctonas e á profunda conexión entre as persoas e os animais na nosa terra
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
2021 Crónica 3 A Mariña - Implementado por GaliciaDigital