NOTA DE PRENSA
Coincidindo coas primeiras xornadas da costeira, José Manuel Balseiro pregunta á Xunta polas accións relativas tanto ao aspecto loxístico coma de creación de valor engadido, identificación e promoción do bonito do norte
O PPdeG INTERÉSASE POLAS MEDIDAS DE APOIO Á FLOTA BONITEIRA PREVISTAS POLO NOVO GOBERNO GALEGO
* O deputado salienta que, malia crise que afectou especialmente a esta flota nos pasados anos, o anterior Executivo galego non actuou con determinación, “poñendo de relevo a falta de iniciativa e a desidia duns xestores que daban unha imaxe certa do seu proxecto esgotado”.
Santiago, 16 de xuño de 2009.- O Grupo Parlamentario Popular ven de presentar unha iniciativa na Cámara na que se interesa polas medidas de apoio á flota boniteira previstas polo novo Goberno galego. O PPdeG reclama, así, a colaboración da Consellería do Mar para os centos de embarcacións galegas que poñen rumbo ás augas nas que se efectúa a pesca deste túnido. Para o portavoz do Mar do Grupo Popular, José Manuel Balseiro, “todos eles precisan da Xunta para que contribúa na tarefa de xerar valor engadido ás futuras capturas e poida garantir o seu apoio loxístico”.
Así, coincidindo cos primeiros días da costeira, José Manuel Balseiro pregunta á Xunta polas accións relativas tanto ao aspecto loxístico coma de creación de valor engadido, identificación e promoción do bonito do norte. O deputado considera especialmente necesaria a cooperación da Administración galega no eido da promoción, identificación e consumo do bonito capturado pola flota galega, de xeito que se contribúa a xerar valor engadido e a facilitar a tarefa de elección do consumidor, evitando a confusión que este pode ter en relación con este produto respecto doutros de inferior calidade.
“Desenvolver un intenso labor de promoción, empregando para iso todos os medios dispoñibles que contribúan a achegar ao consumidor final información sobre este recurso pesqueiro, debera ser, onte e hoxe, no pasado e no futuro, unha acción prioritaria do Goberno de Galicia”, apunta o deputado popular, quen resalta que o bonito galego “polo seu elevado valor nutritivo, constitúe unha aposta estratéxica dentro das novas esixencias en materia de alimentación”.
DESIDIA DA ANTERIOR CONSELLERÍA
O deputado salienta que, malia crise que afectou especialmente a esta flota nos pasados anos, o anterior Executivo galego non actuou con determinación, “poñendo de relevo a falta de iniciativa e a desidia duns xestores que daban unha imaxe certa do seu proxecto esgotado”. A ese respecto, considera que a anterior Consellería de Pesca “non traballou o suficiente, ou incluso esqueceu desenvolver as debidas tarefas de promoción deste túnido, a diferenza do que estaba a ser habitual nas lexislaturas previas á do Goberno bipartito”.
Balseiro lembra que a campaña do bonito, que realizan cada ano arredor de 500 barcos dos que 150 teñen porto base en Galicia, ten unha gran importancia polo seu impacto en canto a man de obra embarcada e en terra, volume de negocio e peso económico, así como polo seu impacto industrial no que respecta ao sector transformador e conserveiro, á parte do consumo en fresco.
A crise do sector pesqueiro afectou especialmente a esta flota, que se viu prexudicada pola problemática dos baixos prezos en primeira venda e a competencia de peixe foráneo, “non perfectamente identificado”. Ante esta situación, e malia que “afortunadamente, a previsión para a campaña que agora arranca achega datos que permiten albergar certo optimismo en comparación co acontecido en anos anteriores”, o PPdeG considera imprescindible “a complicidade e colaboración da nova administración pesqueira”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
