BURELA .- O Concello de Burela e a Rede de Dinamización da Sociedade da Información presenta o seu programa para o mes de xuño en Burela. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 51 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e otros de moi variada temática, adaptándose ás diferentes necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas.
A Rede de Dinamización da Sociedade da Información, en colaboración co concello de Burela, anuncia novos obradoiros de achegamento ás Novas Tecnoloxías que terán lugar no mes de xuño no Centro de Dinamización da Sociedade da Información de Burela. Os obradoiros que se van desenvolver e as datas nas que terán lugar son os seguintes:
“Creación dunha conta correo electrónico”: con esta actividade preténdese que o usuario/a, ao finalizar este obradoiro, sexa capaz de crear e xestionar a súa propia conta de correo electrónico. Desenvolverase de luns a venres, do 3 ao 12 de xuño, de 10 a 11 horas.
“Presentacións: Impress”: pretende capacitar aos usuarios/as para que sexan quen de crear unha presentación co OpenOffice Impress. Realizarase de luns a venres, do 3 ao 16 de xuño, de 11 a 12 horas.
“Iniciación á Informática: Linux”: ao rematar este obradoiro o usuario/a será capaz de manexar con certa soltura os obxectos e funcionalidades básicas que ofrece un computador, neste caso usando un sistema operativo baseado en software libre. Vai ter lugar do 9 ao 24 de xuño, de luns a venres, de 9 a 10 horas.
“Folla de Cálculo: Calc”: con esta actividade preténdese que o usuario/a, ao finalizar este obradoiro, sexa capaz levar as súas contas da casa, do traballo, da comunidade, etc. de xeito básico e mediante a aplicación de follas de cálculo OpenOffice Calc.
Desenvolverase de luns a venres, do 17 ao 30 de xuño, de 11 a 12 horas.
Asemade, está prevista a realización da charla “Presentación da iniciativa Memoria dos Oficios”. Esta, que terá lugar o día 15, ás 10 horas, no Centro de Dinamización da Sociedade da Información de Burela, consistirá en presentar a próxima iniciativa que vai realizar a Rede na vila pesqueira.
Para inscribirse ou para solicitar máis información poden dirixirse ao Centro de Dinamización de Burela, sito na Casa da Xuventude do concello ou mandar un correo electrónico ao enderezo: roberto.burela@dinamiza.sociedadedainformacion.eu
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
