RIBADEO (FNC) .- O alcalde de Ribadeo, Fernando Suárez, mandoulle un escrito ao presidente da Deputación de Lugo, José Ramón Gómez Besteiro, demandando a ampliación da ponte sobre a liña de Feve que hai na estrada Ribadeo-Vilela. O rexedor explicou que “no día de hoxe enviámoslle ao presidente da Deputación de Lugo, este organismo que é propietario da estrada Ribadeo-Vilela, un escrito acompañado dun informe exhaustivo que recomenda a ampliación de dita ponte. E singularmente querémoslle transmitir a nosa preocupación pola situación desta ponte que pasa sobre a liña de Feve na parroquia de Ove e que é porta obrigada de entrada de vehículos e de persoas, sobre todo das parroquias do interior”.
Suárez Barcia sinala que “segundo achegamos cun informe técnico moi ben elaborado dicimos que é necesario ampliar esta ponte dado que é moi estreita e se producen circunstancias moi perigosas cando se cruzan dous coches e un peatón tamén a está a atravesar. É moi angosta e moi estreita e cando se xuntan dous camións eso pode ser terrible, sobre todo si é de noite, si chove ou si fai mal tempo e xa teñen producido numerosos momentos críticos”.
O alcalde engade que “lle pedimos á Deputación Provincial de Lugo, como ten feito xa noutros lugares da provincia, que dote para este ano os recursos necesarios para costear unha ampliación da ponte. Tecnicamente non é nada complexo e economicamente non é tan elevado e se garantiría unha mellor fluidez no tráfico, mellor seguridade para os viandantes e o custe non sería demasiado elevado”.
Dimensións insuficientes
O informe presentado polo Concello recolle que “na ponte a distancia entre peitoriles é de 5,80 metros. A ambos lados existen, delimitados con pintura, uns pequenos pasos de peóns de 0,60 e 0,70 metros, respectivamente. Quere isto dicir que o paso para vehículos queda limitado a 4,50 metros. Estas dimensións resultan de xeito evidente insuficientes, tanto para os vehículos como para os peóns que teñen que controlar o tráfico en cada momento para decidirse a pasar, posto que si deciden ou lles coincide pasar no momento en que dous vehículos se cruzan, a súa integridade corre graves riscos”.
En dito informe ponse de manifesto que “esta estrada, hai uns anos, tiña pouco tráfico e escasa circulación de peóns pero na actualidade é un vial con circulación moi intensa, é paso obrigado para todos os veciños das parroquias de Ove, Covelas, Cedofeita, Remourelle, Piñeira, Vilaframail e A Devesa. Quere isto dicir que máis da metade dos habitantes das parroquias do concello teñen que utilizar necesariamente esta estrada. Pero ademais o núcleo urbano estendeuse cara esa zona”. O informe elaborado polo Concello tamén sinala que “xa houbo numerosos sinistros, ata o momento todos se limitaron a danos materiais, pero gustaríanos, dada a intensidade de peatóns que pasan pola ponte e o volume de tráfico que aumentou esaxeradamente, que algún día non teñamos que lamentar outros danos irreparables”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
