NOTA DE PRENSA:
O GPPP CONSIDERA AS CRÍTICAS DO EQUIPO DE GOBERNO Á XUNTA UNHA CORTINA DE FUME PARA DISIMULAR A PARÁLISE PERMANENTE NA QUE SE ATOPA A DEPUTACIÓN
* Os populares lémbranlle que a coalición PSOE-BNG leva case dous anos gobernando no pazo provincial e que durante ese tempo desaproveitaron a ocasión de forzar á Xunta a axilizar os asuntos que estaban pentendentes
* Califican as declaracións do voceiro socialista na Deputación coma un intento de desviar a atención sobre o verdadeiro problema de fondo: a inoperancia e ineficacia do Goberno que presidente Gómez Besteiro
* No GPPP non dubidan de que o Goberno que dirixe Núñez Feijoo atenderá con responsabilidade e dilixencia os compromisos adquiridos con Lugo
Lugo, a 9 de xuño de 2009.- O Grupo provincial do Partido Popular lametou que os voceiros do equipo de goberno da Deputación, Antonio Gato e Antón Bao, non lle esixan ós seus compañeiros a mesma premura na resolución dos asuntos que están pendentes na administración provincial ou que non o fixera ante os anteriores responsables da Xunta de Galicia como agora prentende facer co Goberno de Núñez Feijoo.
Na opinión dos populares, as críticas do equipo de goberno provincial só pretenden camuflar a súa propia inoperancia e a súa falta de adicación na resolución dos asuntos pendentes. Acusar ó Goberno de Núñez Feijoo de paralise resulta cando menos chocante si se compara co ritmo de traballo esgrimido pola Deputación de Lugo. Pese a todo, os populares non dubidan de que a Xunta de Galicia atenderá con responsabilidade e dilixencia os compromisos adquiridos con Lugo e atenderá debidamente as necesidades da provincia.
Parece, segundo sinalan dende o GPPP, que a falla de resolucións de certa transcendencia nas reunións semanais da xunta de goberno obriga ós integrantes do goberno que preside Gómez Besteiro a falar doutros para así ter algo que dicir e aparentar que se fai cando, en realidade, non se move nin unha folla no pazo provincial. Empregan, ademais, un argumento demasiado manido a estas alturas: a culpa sempre a teñen os demais, incluso un Goberno cuxo Presidente tomou posesión o pasado 18 de abril. Trátase, en definitiva e coma sempre, de botar balóns fora e de non asumir ningún tipo de responsabilidades.
Para os populares, que os voceiros do equipo de goberno provincial falen de parálise no Goberno da Xunta e poñan coma exemplo asuntos que foron paralizados polo propia Deputación pon de manifesto o cinismo e a hipocresía do seu proceder e, por extensión, do goberno ó que representa.
RITMO LENTO DE TRABALLO.-
Salientan dende o GPPP que, de entrada, a Deputación tivo case dous anos para resolver estas cuestións pero que daquela non parecía ter tanta prisa por facelo. Así, lembran que tanto o que se refire á trasferencia dos hospitais San José e San Rafael como á posta en marcha dos parques de bombeiros provinciais foron dúas das cuestións que José Ramón Gómez Besteiro estableceu como prioritarias durante a súa toma de posesión como Presidente da administración provincial, pero que aínda seguen pendentes.
No primeiro caso, sen embargo, o proceso, xa posto en marcha por Francisco Cacharro en 2006, foi inicialmente paralizado e despois, a raíz da teórica creación en outubro de 2007 da comisión mixta encargada do seu seguimiento, ralentizado en exceso. A día de hoxe, de feito, aínda non se coñecen os detalles do traspaso cuxa negociación se abriu co anterior Goberno da Xunta e eso pese á insistencia do PP de que era urxente fixar o calendario a seguir.
Os parques de bombeiros comarcais correron a mesma sorte, fixeronse anuncios, establecéronse datas de apertura que despois se incumpliron e adquiriuse material que nin sequera está onde tiña que estar porque, a excepción do parque de Barreiros, aínda non hai dependencias que o poida albergar. Nada se sabe tampouco sobre a sorte que vai correr o parque de bombeiros de Monforte nin como se lle dará cobertura á zona da Montaña, por exemplo.
Para o GPPP, dende a firma do protocolo que ía rexir o consorcio encargado de xestionar estes parques o día 9 de xaneiro de 2008 transcurriu tempo suficiente, se realmente houbera vontade política de sacar adiante esta iniciativa, de poñelo andar. Para os populares, ésta é unha mostra máis do ritmo lento que impera na administración provincial tras a chegada do bigoberno.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
