Ribadeo, 26 de agosto de 2026. Ribadeo realizará melloras nos locais sociais das parroquias grazas a unha achega da Xunta de Galicia e ao traballo conxunto entre asociacións e Concello.
O alcalde, Dani Vega, indicou: “seguimos xestionando orzamento para mellorar os locais sociais de cada parroquia. Agradezo o traballo que fan as asociacións de veciños todos os días organizando eventos e tamén solicitando colaboración, axudas e subvencións para mellorar estas instalacións. Isto foi un traballo conxunto, un traballo que, evidentemente, ten unha vocación de conservar e coidar o que é de todos. E neste caso, vamos actuar en Arante na renovación da cuberta e no solo do local social, vamos actuar en Couxela, incrementando, dándolle maior espazo á pista para que poidan celebrar mellor os distintos eventos, tamén o equipamento para os nenos e nenas da parroquia, en Piñeira vamos hormigonar todo o exterior de ambos locais, está con moita necesidade, melloraremos tamén a accesibilidade, mellorar tamén o local que está ao lado mesmo da Escola de Couxela, vamos actuar en Vilaframil mellorando a iluminación, en Vilaselán renovando todo o peche, todas as ventás, tamén un novo sistema de calefacción e tamén imos mellorar a iluminación exterior, en Cubelas tamén a iluminación exterior e en Ove a iluminación exterior”.
Para o rexedor: “todas estas inversións, estas xestións son fundamentais. Faise traballando conxuntamente coas asociacións e grazas tamén á Xunta de Galicia porque é un financiamento 100 % para mellorar os locais sociais”. O rexedor subliñou que “vamos seguir nesta liña, vamos seguir mellorando tamén outras cousas en cada parroquia, pero había que actuar nestes locais sociais xa que estaban certamente uns abandonados ou moi pouco coidados e outros que apenas teñen iluminación no exterior. Polo tanto, detectando as cousas e planificando as inversións e traballando coas asociacións é como se fan as cousas, cun traballo conxunto para que siga Ribadeo avanzando”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
