LUGO.- A Deputación de Lugo en colaboración con Caixa Galicia está elaborando un Plan Estratéxico para a provincia. Na última reunión trataron das posibilidades económicas que se poden derivar das posibilidades medio ambientais, tendo en conta que dos 72 hábitats existentes en Galicia, 70 localízanse na provincia de Lugo.
NOTA DE PRENSA.
O medio ambiente a debate nunha das mesas sectoriais do Plan Estratéxico
– O estudo revela o peso que ten a riqueza medioambiental en Lugo, xa que dos 72 hábitats existentes en Galicia, 70 localízanse na provincia
– Diferentes axentes socioeconómicos analizan a diagnose pormenorizada da provincia que determinará a redacción do Plan prevista para agosto
O Plan Estratéxico da provincia, que está a elaborar a Deputación en colaboración con Caixa Galicia, celebrou este mércores no INLUDES unha nova mesa sectorial na que se fixo unha análise do medio ambiente na provincia. En total son 21 mesas nas que, desde o mes de maio, os representantes socioeconómicos analizan a diagnose pormenorizada da provincia que se elaborou durante a primeira fase do Plan, e fan as súas propostas.
Na xornada de hoxe púxose de relevo que o medio ambiente da provincia evidencia a importancia dun territorio dentro do marco da rexión bioxeográfica Altántica definido pola Unión Europea. Dita importancia maniféstase no número de hábitats de interese comunitario. Dos 218 tipos en España, 72 están presentes en Galicia e 70 na provincia de Lugo. Esta mesma representación obsérvase entre os considerados prioritarios (71 tipos no ámbito da UE). Neste caso, dos 18 tipos descritos para Galicia, todos eles foron igualmente identificados no ámbito provincial.
Os axentes socioeconómicos explicaron ademais que Lugo é a provincia galega que conta co maior número de prantas nativas. Alberga 1.705 das 2.397 descritas, ocupando sen embargo o segundo lugar depois de Ourense en relación co número de vertebrados nativos con 286 especies. Asimesmo, no caso das especies protexidas pola Unión Europea contabilízanse 50 das 93 recoñecidas a nivel galego.
Na mesa tamén se tratou o estado de conservación da biodiversidade. A análise evidencia a incidencia do cambio global nos ecosistemas lucenses, que supuxeron nas últimas décadas unha diminución moi significativa da superficie ocupada por hábitats naturais, mentres que se incrementan as áreas ocupadas por medios artificiais, e paralelamente o incremento das especies exóticas de carácter invasor. Estas últimas, constitúen hoxe en día, un dos problemas máis acuciantes no mantemento do estado ecolóxico do territorio, afectando tanto a medios acuáticos como terrestres.
A radiografía da biodiversidade da provincia inclúe unha análise das áreas protexidas existentes: a Rede Natura 2000 e a Rede Mundial das Reservas da Biosfera.
Esta é a primeira vez que en Lugo se prepara un Plan Estratéxico que vai afrontar a provincia dun xeito global. Trátase dun documento importante porque recollerán a realidade desta provincia e os seus retos de cara o futuro. Está previsto que o documento estea rematado no mes de agosto. A vindeira mesa celebrarase o 17 de xullo e versará sobre o ferrocarril e o transporte público.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
