BURELA .- As persoas que participaron no proxecto Alcoa “Prevención de Riscos Laborais en Centros de FP da Mariña Lucense” no IES Perdouro de Burela poden recoller o seu certificado. Desde o centro de ensino bureles tamén informa que hasta o 20 de xullo está aberto o prazo para inscribirse nas probas libres, para a obtención do título de Técnico en Mecanizado, e que ata o día 17 para participar na convocatoria extraordinaria das probas de acceso a ciclos formativos de grao superior.
Nota de Prensa
Os alumnas e alumnas que participaron no proxecto Alcoa “Prevención de Riscos Laborais en Centros de FP da Mariña Lucense” xa poden recoller o seu certificado.
Os alumnos e alumnas do IES Perdouro que ao longo do curso 2008-2009 participaron no proxecto Alcoa, “Prevención de Riscos Laborais en Centros de FP da Mariña Lucense” xa poden pasar a recoller o certificado de nivel básico de Prevención en Riscos Laborais.
Coa participación neste proxecto, os centros CIFP Porta da Auga de Ribadeo, IES María Sarmiento de Viveiro e IES Perdouro de Burela, anticípanse ao establecido na Nova FP, e facilitan que o seu alumnado acade o certificado de nivel básico de Prevención en Riscos Laborais, como formación complementaria á da súa especialidade de Formación Profesional.
A medida que se vaian implantando os novos currículos, segundo a LOE, todos os alumnos que cursen un ciclo formativo de Formación Profesional acadaran ademáis do título correspondente o mencionado certificado de prevención.
Probas de acceso a ciclos formativos de grao superior
Dirixido ao alumnado que obtendo o título de técnico no curso 2008-2009, superara a parte común da proba de acceso a ciclos de grao superior no ano 2009.
Ata o próximo día 17 de xullo, incluído, está aberto o plazo para inscribirse na convocatoria extraordinaria das probas de acceso a ciclos formativos de grao superior dirixido ao alumnado que teña acadado o título de técnico no mes de xuño pasado, e superase a parte común na proba de acceso celebrada no mes de abril. Deste xeito poderá obter a convalidación da parte específica, superando así a proba de acceso.
Unha vez superada a proba por convalidación, poderá matricularse nun ciclo formativo de Grao Superior no próximo curso 2009-2010, sen a necesidade de ter que esperar un ano máis.
Probas libres para a obtención do Título de Técnico en Mecanizado no IES PERDOURO
Aberto ata o 20 de xullo o prazo para inscribirse na probas libres para a obtención do Título de Técnico en Mecanizado.
Estas probas van dirixidas ao alumnado que cursou o devandito título LOGSE de Mecanizado, e que neste momento deixaron de impartirse debido á implantación dos novos títulos LOE de Técnico en Mecanizado, co obxecto de posibilitar que estas persoas poidan acabar os seus estudos e obter a titulación.
O obxecto da avaliación son todos os módulos deste ciclo formativo, agás o módulo de FCT.
O alumnado disporá de dúas convocatorias, que terán lugar no curso académico seguinte ao da extinción definitiva da docencia do ciclo formativo, consonte o seguinte calendario:
* A primeira convocatoria realizarase no mes de setembro de 2009, antes do comezo das actividades lectivas para posibilitar, de ser o caso, a solicitude de admisión no ciclo equivalente.
* A segunda realizarase no mes de xuño de 2010, coincidindo co remate das actividades lectivas.
Logo de rematadas as dúas convocatorias, o alumnado que aínda teña módulos pendentes e desexe finalizar os seus estudos poderá matricularse nas ensinanzas do título equivalente. Para isto aplicarase o réxime de validacións de módulos regulados no real decreto do título de Mecanizado.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
