RIBADEO (FNC) .- A concelleira de Cultura, Mariluz Álvarez Lastra, presentou esta mañá a axenda cultural prevista para os meses de verán e afirmou que “nestas datas o que pretendemos é acercar a cultura á rúa, polo tanto tódalas actividades de pequeno formato que presentamos terán como obxectivo animar as nosas rúas e deleitar á xente da vila e aos visitantes”.
A edil explicou que “en canto a cursos e xornadas o próximo será o curso sobre o Marqués de Sargadelos que terá lugar en Ribadeo o próximo mércores día 15 a partires das 9.30 da mañá no auditorio Hernán Naval e ao que poden acudir tódalas persoas interesadas sen necesidade de estar matriculadas, na seguinte semana imos ter o Curso de Agroecoloxía que organiza a USC e que se levará a cabo no Auditorio Hernán Naval, seguido das Xornadas de Historia Local que, como cada ano, prepara a Asociación Francisco Lanza e que nesta ocasión estarán adicadas á cultura castrexa do noso municipio. Xa en agosto, a Consellería de Medio Ambiente organiza sete días adicados á astronomía na Casa da Ría e por último, en setembro, dende a Área de Educación, celebrarase o III Curso sobre educación infantil na Mariña”.
Música
Álvarez Lastra sinalou que “en canto á música, ademais dos concertos da Banda Municipal de Música e do Festival de Habaneras e Música Hispanoamericana, neste mes de xullo a Escola Municipal de Música e Danza ofrece as I Xornadas Músico-culturais e tamén se levará a cabo o Festival Internacional de Música Clásica organizado por Leopoldo Erice, o Concello e a Fundación Caixa Galicia”. A concelleira nacionalista engadiu que “haberá dous concertos dos grupos de música antiga e de cámara Acorde de Porto e Arco Vento de Ribadeo na Capela da Terceira Orde, repetirase no mes de agosto a Mostra Folklórica Internacional e acabaremos con dous concertos, o primeiro deles celebrarase o día antes da Xira de Santa co grupo de jazz Lucía Martínez Cuarteto e uns días antes das festas patronais actuarán os grupos de música de Ribadeo”.
A responsable de Cultura explicou que “para os máis pequenos haberá na rúa monicreques con Títeres Trompicallo, maxia cos magos Dani e Martín, un espectáculo de novo circo coa compañía Pablo Trasno, sesións de contacontos e un concerto do grupo Migallas, ademáis o venres 4 de setembro o mago Antón ofrecerá a súa función patrocinada pola Área de Cultura da Deputación de Lugo”.
Mariluz Álvarez Lastra anunciou que “tamén haberá espazo para o teatro, actuará no Cine Teatro o grupo Axóuxeres de Foz, en setembro teremos unha nova edición da mostra Daniel Cortezón e a Aula Municipal de Teatro acollerá O Aturuxo de Melpómene e Trécola”.
A edil ribadense falou tamén do mundo da curtametraxe xa que “estará con nós o Festival On Off reconvertido en Festivalón e a Caixiña de Mistos, unha proposta que está a recorrer toda Galiza para que grupos de nenos e nenas poidan ver curtas para público infantil”.
Exposicións
Mariluz Álvarez Lastra ademais dixo que “o forte de San Damián acollerá a mostra de gravado de artistas lucenses Incisións cedida polo Museo Provincial de Lugo e a partires de mediados de agosto Rinlo será protagonista da mostra fotográfica de F. Fernández Páez como encargo do Colexio Oficial de Arquitectos de Galicia. A OMIC será tamén escenario de fotos de veciños ribadenses, de Mariano Pérez, das mulleres que asistiron ao curso de fotografía que organizou o CIM e as recollidas polo Museo do Mar correspondentes á serie Memoria do Mar”.
A concelleira de Cultura comentou que “as actividades son moitas e iremos dando cumprida información de cada unha delas pero todos os interesados poden acudir ao concello e alí entregaremos, a partires da semana que vén, en calquera das entidades sociais a axenda cultural e tamén atoparán a programación nos paneis informativos ou chamando á oficina de cultura do concello”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
