BURELA (FNC) .- O alcalde de Burela, Alfredo Llano, e os voceiros municipais mantiveron nas últimas horas unha xuntanza á que tamén asistiron representantes veciñais de O Vencello, da asociación de montes, de Buril, particulares e empresarios. O rexedor sinalou que “fixemos unha análise de todo o que se foi facendo ata o de agora e quedamos en reunirnos para o día 13 ou 14 de xullo, dependendo dos técnicos que levan o Plan Xeral, técnicos de OTEA e o propio técnico do concello”.
Llano explicou que o que pretenden é “preparar unha alegación en base ó proxecto que se presentou e seguir este procedemento para, a próxima semana, confirmar e ter definida esa alegación que plantexaremos en conxunto”. Ademais, aclarou que “se solicitou unha prórroga de 3 meses para presentar as alegacións, porque, aínda que en principio, cada particular ten un mes e as institucións dous meses por lei, a petición é de 3 meses para ter unha garantía de poder presentar alegacións en tempo e forma”.
O responsable da alcaldía rematou dicindo que o obxectivo “é confirmar unha alegación en conxunto, unha petición de todos que sexa unánime diante de Fomento para que isto teña os efectos que pretendemos, que como xa saben todos é pasar o corredor pola parte sur de Burela, incluso que non toque o concello porque sería o mellor que se pode facer con esta autovía. Sería unha barbaridade que partira pola metade o noso territorio”.
Xuntanza colexios
O alcalde de Burela, Alfredo Llano e a delegada de Educación, Lucía Bouza tiveron unha reunión cos catro directores dos centros educativos de Burela, e tamén cos representantes das ANPAS para confirmar a colaboración do concello no vindeiro curso.
Llano confirmou “a colaboración cos comedores escolares aportando persoal ou o que faga falta para que sexa un bo servizo, tamén se falou das actividades extra-escolares para que continúen o próximo ano despois das 15.30 e ata as 17.30, pero éstas vanse especificar a partires do 1 de setembro”. O rexedor engadiu que “concretamos a colaboración do concello para que os colexios poidan levar ós rapaces á piscina e sexa máis doado o aprendizaxe da natación.Todo ten coma obxectivo que os colexios teñan un bó rendemento e que sexa importante tanto para os colexios como para o concello”.
Control alcoholemias
O alcalde de Burela anunciou a colaboración do Concello coa Dirección Xeral de Tráfico nunha campaña de control de alcoholemia que comezou onte e continuará ata o día 19 de xullo. Llano dixo que “imos colaborar na campaña porque é un dos aspectos que provoca máis accidentes e porque consideramos que hai que implicarse nesta baixada dos sinistros. Así que a Policía Local vai facer polo pobo de vez en cando algún control, non se trata de ningún castigo, senón que é unha aplicación que debe facerse para que todo funcione da maneira posible”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
