BURELA (FNC) .- Burela será protagonista do programa Os Larpeiros da Televisión de Galicia. Un dos seus equipos trasládase esta semana á vila para realizar grabacións no barco museo Reina del Carmen. O edil de Industria, Comercio e Turismo, José González Legazpi, sinala que “as xentes de Burela e a súa gastronomía serán centro de atención dun espazo visual amplo e relevante coa preparación do bonito do norte”. O concelleiro nacionalista sinala que “a grabación será unha recreación de cómo se desenvolven as tarefas para a captura do bonito, os medios que se empregan e o modo de vida a bordo. Por tanto serán escenario da grabación os distintos compartimentos do barco, os aparellos e demáis elementos, para logo coñecidas xá as condicións de captura, ter continuidade coa elaboración gastronómica do mesmo”.
González Legazpi engade que “despois elaborarase conforme ás condicións do guión, un prato de bonito do norte en marmitako, considerando que o túnido sae da propia nevera do barco museo, para dende aí dar continuidade á preparación do mesmo”. O concelleiro de Turismo considera que “será por tanto un recoñecemento máis a canto representa o bonito dentro da nosa historia, a propia Feira do Bonito que este ano celebra xa o seu XXV aniversario, ao esforzo colectivo sen dubida de moitas persoas, e tamén ás políticas activas que se veñen desenvolvendo dende a Delegación de Industria, Comercio e Turismo do Concello de Burela para promover condicións que garantan afianzamento e desenvolvemento”
Graban en Burela para o programa Os Larpeiros da TvG
Relacionado
-
O Concello de Burela pide rigor ao PP e lembra que a licitación do SAF segue en tramitación
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
