CERVO .- A nova rede de saneamento de San Cibrao contribuirá a solucionar gran parte das inundacións que se están a rexistrar puntualmente nalgunhas rúas desta localidade nestes últimos días de intensa choiva. Así o explicou o Alcalde de Cervo quen adiantou que as obras desta actuación comezarán a executarse no vindeiro mes de agosto despois de catro anos de demora.
Alfonso Villares lembra que o anterior Executivo autonómico do Partido Popular adxudicou a nova rede de saneamento para esta localidade en xullo de 2005. O Goberno da Xunta prevía entón investir 6,3 millóns de euros para unhas obras que deberan ter executado as empresas Sufi, S.A. y CRC Obras y Servicios. “De feito hoxe pode verse o cartel que anunciaba esta actuación situado ao carón do estaleiro de ribeira, xunto á área de xogos do parque Raíña Sofía de San Cibrao”. Magoa que tras a chegada do bipartito, a Xunta de PSOE e BNG decidiu rescindir este contrato e indemnizar á empresa con cerca de 400.000 euros. Finalmente as presións do Goberno municipal lograron que se iniciaran de novo todos os trámites, malia que supuxo un atraso na solución definitiva ás distintas problemáticas que se producen como consecuencia da obsolescencia da actual rede de saneamento.
A dificultade da rede actual para evacuar as augas de choiva provoca que en ocasións que se produzan inundacións en varios puntos de San Cibrao. De xeito especial esta problemática ten lugar cando coinciden dous fenómenos adversos: as intensas choivas e a marea alta que dificulta a tarefa dos desaugadoiros que actúan por gravidade. O Concello de Cervo consciente desta realidade traballa nunha dobre dirección: mobilizando o servizo de Protección Civil para evitar que as inundacións produzan danos e molestias maiores e, a nivel preventivo, procedendo á limpeza periódica da rede de saneamento de augas pluviais así como a extremar a vixilancia dos vertidos á rede dos edificios en construción. En todo caso, cando se dispoña do novo saneamento moi probablemente o acontecido nos últimos días serán episodios do pasado.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
