BURELA (FNC) .- Xa están listas as alegacións conxuntas que o Concello de Burela lle vai enviar ó Ministerio de Fomento solicitando o cambio de trazado para o corredor Barreiros-San Cibrao. Ese documento someterase a aprobación no pleno ordinario que se celebrará o vindeiro luns 27 de xullo. O rexedor, Alfredo Llano, agarda que se aprobe por unanimidade.
O alcalde sinala que “no encontro que mantivemos onte estaban representados a asociación de veciños, a asociación de montes, os tres portavoces dos partidos políticos que teñen representación no Concello de Burela e xente interesada en propoñer algunha alegación a título particular. E xa de maneira definitiva decidimos elaborar o documento con todas alegacións que enviará o propio Concello a Fomento”. Alfredo Llano explica que ditas alegacións “fundaméntanse en dúas razóns, rexeitar as dúas propostas que nos fai Fomento para pasar o corredor polo noso concello e na proposta doutra alternativa que é a que pasaría máis ó sur de Burela. É a máis axeitada para os intereses do noso municipio e para os xerais dos concellos polos que pasará o corredor”.
O rexedor burelés engade que “esta tesE foi avalada tamén por un informe técnico que foi subscrito pola Deputación Provincial, no que se confirman e se respaldan as nosas propostas co que contamos cun apoio institucional importante, e tamén OTEA aporta outro informe moi ben documentado e moi ben feito. Penso que foi un traballo ben levado desde que empezamos con toda esta problemática, fixemos reunións tanto con técnicos como con políticos e agora estaremos á expectativa sobre a resposta que nos poida dar Fomento e manteremos contactos con xente que nos poida avalar e entender as nosas alegacións”.
Llano considera que “aquí traballouse en equipo, fixemos unha boa comisión con todo o mundo representado, ainda que sempre aparece alguén que quere vender a moto con máis intensidade que os outros tentando separarse un pouco da comisión e así escoitamos estes días que se traballaba pouco ou que o alcalde non facía o suficiente.Todo coa pretensión de vender un pouco máis a súa labor, cando este foi un traballo de todos e todos debemos estar contentos de tela feito”. O rexedor dalle “a noraboa á xente que estivo na comisión que foi sempre moi seria e pensamos que estas alegacións que presentamos deben ser suficientes para que se teña en conta que o corredor debe pasar ó sur de Burela sen molestar ó resto dos concellos afectados”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
