NOTA DE PRENSA
O GOBERNO LOCAL É O ÚNICO RESPONSÁBEL DO DEFICIENTE SUBMINISTRO ELÉCTRICO NAS NOVAS VIVENDAS CONSTRUÍDAS EN SAN CIBRAO
O goberno municipal debe verificar a existencia de subministro eléctrico antes de conceder as licenzas de edificación.
Os dirixentes do PP en Cervo defenden mellor os intereses dos promotores que os dos cidadáns e veciños do concello.
Cervo, 6 de xullo de 2009. O Alcalde de Cervo e o seu goberno, son os únicos responsábeis dos problemas de veciños de San Cibrao que carecen dun subministro eléctrico aceptábel en vivendas que xa contan con licenza de primeira ocupación nunhas vivendas cuxas licenzas de construción non se axustan á lexislación ao non contar con todos os servizos urbanísticos esixidos. O BNG apoia as críticas destes veciños ao alcalde por intentar eludir as súas responsabilidades e esixe ao goberno local solucións inmediatas a un problema que pode reproducirse no futuro de non poñer solucións.
OS PROBLEMAS ACTUAIS SON FROITO DA FALLA DE PREVISIÓN E A PARÁLISE DO GOBERNO LOCAL NA TRAMITACIÓN DO PLAN XERAL DE ORDENACIÓN MUNICIPAL
A parálise durante anos na tramitación do PXOM imposibilitou realizar as previsións necesarias sobre ordenación e adecuación dos servizos urbanísticos necesarios, como neste caso sucede co eléctrico, incapaz de soportar o número de licenzas de edificación concedidas polo goberno municipal. “Os dirixentes do PP no goberno municipal estaban mais preocupados por apoiar e impulsar o modelo urbanístico depredador que en previr as consecuencias que agora xa se están a ver nalgunhas comunidades de veciños, que poden repetirse no futuro se non se poñen solucións”, denunciou o BNG. Os nacionalistas ademais indicaron, que o goberno local segue sigue na mesma liña, “lonxe de aproveitar o parón no boom urbanístico para impulsar a redacción do PXOM, semella que o PP non ten ningunha presa para levalo adiante”.
O BNG CONCORDA COS VECIÑOS DENUNCIANTES QUE O CONCELLO E O UNICO RESPONSABEL DA DEFICIENCIAS ENERXÉTICAS.
Os nacionalistas expresaron o seu apoio ás denuncias feitas públicas pola comunidade de veciños que responsabilizan ao alcalde das deficiencias no subministro eléctrico e os problemas que este lles está a ocasionar, “a xunta de goberno como órgano competente na concesión de licenzas, debe responsabilizarse de que estas conten con tódolos servizos urbanísticos necesarios, de non ser así non deberían ser outorgadas”. En calquera caso, non son aceptábeis as desculpas do alcalde nin as intencións de botar en tellado alleo a responsabilidades que lle corresponden.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
