SANTIAGO .- Presentouse en Compostela a programación da XXV edición do Festival Internacional do Mundo Celta de Ortigueira, que se celebra do 9 ao 12 de xullo. Á cita acudirán Wolfstone, Xosé Manuel Budiño, Michael McGoldrick, Susana Seivane, Battlefield band ou Fred Morrison, entre outros. O festival “inclúe preto de vinte concertos gratuítos e que reforza o carácter intercéltico do evento”, asegura a organización.
Nota de Prensa
O Festival de Ortigueira celebrará a súa XXV edición retomando o espírito máis celta
A secretaria xeral para o Turismo, o alcalde de Ortigueira e o director-xerente da S.A de Xestión do Plan Xacobeo presentaron en Compostela o certame folk máis importante do Estado
Wolfstone, Xosé Manuel Budiño, Michael McGoldrick, Susana Seivane, Battlefield band ou Fred Morrison, entre as principais figuras do cartel do 2009
Santiago, 1 de xullo de 2009.- A secretaria xeral para o Turismo, Carmen Pardo; o alcalde de Ortigueira, Rafael Girón, o director-xerente da S.A de Xestión do Plan Xacobeo, Ignacio Santos, e máis o coordinador do Festival Ortigueira, Alberto Balboa, presentaron esta mañá en Compostela, a programación da 25 edición do veterano certame de música celta. Respaldados por representantes doutras entidades patrocinadoras como Estrella Galicia e Deputación da Coruña, descubriron os principais reclamos dun cartel, que inclúe preto de vinte concertos gratuítos e que reforza o carácter intercéltico do evento.
Ortigueira ultima os preparativos de cara á celebración do certame máis concorrido do verán español. Na localidade coruñesa, segundo o seu rexedor, xa está todo a punto para acoller aos milleiros de persoas de todo o mundo que se achegarán entre o 9 e o 12 de xullo para gozar “da mellor festa de Europa”.
Serán catro días nos que, tal e como subliñou Rafael Girón, a pequena vila, de pouco máis de 7.000 veciños, converterase de novo nun espazo multicultural único, e multiplicará a sua poboación. Adiantou o mandatario local que as previsións pasan por superar os 90.000 asistentes do pasado ano.
A secretaria xeral para o Turismo, Carmen Pardo, explicou o éxito do festival levouno a ser declarado en 2005 Festa de Interese Turístico Internacional despois de obter dous anos antes a declaración de Festa de Interese Turístico Nacional. Deste xeito equipárase á categoría de festas como as Fallas de Valencia, os Carnavais de Tenerife, os Sanfermíns ou a Feira de Abril de Sevilla”.
Carmen Pardo engadiu “agardamos que a celebración do festival sexa un éxito para todos e constitúa un reclamo turístico máis para Galicia e o mellor dos escaparates para promocionar o vindeiro Xacobeo 2010”.
Programa 100% celta
No plano artístico, o coordinador do certame explicou que a oferta do Festival aposta pola “volta ás orixes musicais” do encontro. É dicir, tras anos de apertura a músicas de raíz non puramente celtas, a programación de concertos volve centrarse, apenas sen concesións, nos sons atlánticos.
Nesta liña, enmárcase, segundo explica Balboa, a presencia no Escenario Estrella Galicia de formacións como a irlandesa Michael Mcgoldrick band, a histórica Battlefield band ou a tamén escocesa Wolfstone que, coa a súa mestura de música tradicional e rock duro, é, sen dúbida, o grupo máis esperado polos afeccionados. Completa a contundente “delegación” de Escocia, o gaiteiro Fred Morrison, que ofrecerá un concerto na Praza de Isabel II.
En paralelo, o outro píar da programación constitúeno os artistas galegos. Neste sentido, Ortigueira servirá, como sempre, de plataforma de promoción internacional para os nosos músicos. En cartel, a estrea do novo álbum da gaiteira Susana Seivane, a prosposta de world music do gaiteiro máis anovador, Xosé Manuel Budiño, e o debut do grupo Arán e o seu folk galego e irlandés a partes iguais. Finalmente, reservará tamén espazo para a promoción dos grupo noveis, a través do “Proxecto Runas”.
Máis que música
O certame, cun orzamento de 600.000 euros, completa a súa oferta lúdica cun amplo abano de actividades paralelas, organizadas nesta ocasión, coa colaboración da Escola de Gaitas de Ortigueira, agrupación fundadora do festival en 1978. Artesanía, unha exposición fotográfica sobre a historia do evento, obradoiros de folclore galego, con mestres de excepción como Mercedes Peón, ou pasarrúas consolidan o carácter multidisciplinar do evento.
O alcalde de Ortigueira, invitou a todos os mozos a vivir a xoldra do Festival e o ambiente único da acampada no piñeiral da praia de Morouzos e subliñou o esforzo realizado en materia de servizos e infraestruturas para favorecer, na medida do posible, a comodidade dos visitantes.
Para rematar, referiuse á “vocación de futuro” que ten a alianza co Xacobeo para a organización deste “Festival do Mundo Celta” e quixo agradecer o apoio prestado por patrocinadores e colaboradores neste período, marcado pola complicada coxuntura económica. “Grazas á súa axuda -manisfestou Girón- podemos conservar os sinas de identidade do Festival: máxima calidade musical e, por suposto, a total gratuidade”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
