NOTA DE PRENSA
O BNG INFORMA AOS VECIÑOS DE CERVO SOBRE O TRAZADO DA AUTOVIA BARREIROS-SAN CIBRAO
Ademais de realizar actos en diferentes parroquias e núcleos de poboación informase casa a casa.
Reclama a ampliación de a tres meses do período de exposición publica e insiste en que o trazado vai requirir a modificación do planeamento urbanístico.
Solicita a convocatoria dunha comisión de portavoces coa presenza dos redactores do PXOM para que informen sobre a incidencia do trazado no documento.
Cervo, 1 de xullo de 2009. O BNG de Cervo realiza actos informativos sobre o trazado da autovía Barreiros-San Cibrao en varias parroquias e núcleos de poboación do concello ademais de facelo puntualmente casa a casa. Os nacionalistas ademais facilitaran copias do documento a quen as solicite. O BNG volve insistir na ampliación do prazo de exposición publica a tres meses que o ministerio fixa nun mes, e advirten da posíbel necesidade de facer modificacións no documento do PXOM, actualmente en redacción, para adaptalo ao trazado desta infraestrutura. Neste sentido, o BNG pide a convocatoria dunha xunta de portavoces coa presenza dos redactores do PXOM para que expliquen a incidencia do trazado na redacción do Plan.
ACTOS INFORMATIVOS NAS PARROQUIAS E NUCLEOS AFECTADOS
Os nacionalistas teñen previsto un calendario de actos nos que informaran sobre o trazado da autovía aos veciños e veciñas da parroquias e núcleos afectados, para o que xa solicitaron ao alcalde o uso de diferentes centros sociais co fin de realizar estes actos informativos, aínda que poderían realizarse mais, representantes do BNG xa informaron puntualmente a algúns veciños nas súas propias casas. Os nacionalistas indicaron que a xente deber coñecer polo miúdo e coa maior brevidade, tendo en conta o escaso prazo de exposición publica, inicialmente un mes que piden ampliar a tres meses, un trazado que afecta ao territorio onde viven e as súas propiedades. Ademais lembraron que o deseño da autovía supón unha afectación de 250 mts de ancho, polo que nalgunhas zonas do concello, pode obrigar a modificación do documento do PXOM, actualmente en redacción, no que xa estaban delimitados os núcleos rurais e a súa area de expansión.
PIDEN A CONVOCATORIA DUNHA COMISION DE PORTAVOCES COA PRESENZA DOS REDACTORES DO PLAN XERAL
O BNG solicita ao alcalde a convocatoria dunha comisión de portavoces dos grupos coa presenza dos redactores do PXOM, para que informen sobre a incidencia do trazado previsto polo Ministerio de Fomento para esta infraestrutura no documento xa elaborado.
ACTOS PREVISTOS:
| LUGAR | DATA | HORARIO |
| A SENRA – CAPELA | XOVES, 2 DE XULLO | 21.00 hrs |
| LOCAL SOCIAL DE CASTELO | LUNS, 6 DE XULLO | 21.00 hrs |
| LOCAL SOCIAL DE TRASBAR | MARTES, 7 DE XULLO | 21.00 hrs |
| LOCAL SOCIAL DE A VENTA | MERCORES, 8 DE XULLO | 21.00 hrs |
| ANTIGA ESCOLA DE VILAESTROFE | XOVES, 9 DE XULLO | 21.00 hrs |
| LOCAL SOCIAL DE RÚA | LUNS, 13 DE XULLO | 21.00 hrs |
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
