CERVO .- O goberno municipal de Cervo non da explicacións sobre a investigación que está a levar a cabo o Xulgado de Instrución número 1 de Viveiro según aseguran nun comunicado oficial. “O Goberno municipal mantén a súa intención de non realizar ningún tipo de comentario, valoración ou ofrecer dato algún, que puidera implicar a vulneración ou ser obstáculo para o secreto de sumario e empraza ao resto das formacións políticas a que, nun exercicio xusto e responsable das súas atribucións políticas, actúen con maior rigor”, explican
Nota de Prensa
COMUNICADO OFICIAL
En relación coas afirmacións realizadas polo Grupo Municipal Socialista respecto da investigación que se está a levar a cabo desde o Xulgado de Instrución número 1 de Viveiro, o Executivo municipal quere manifestar o seguinte:
1º- Que constitúe un grave acto de irresponsabilidade política por parte do principal partido da oposición, reclamar explicacións públicas respecto dunha investigación que, tal e como é manifestamente coñecido, está sometida a un proceso de secreto de sumario. Neste senso o Goberno municipal empraza ao PSOE a respectar ás regras do xogo democrático e as decisións da Administración de xustiza e, máis en concreto, os pronunciamentos adoptados polo xulgado que instrúe o caso que decidiu que toda esta investigación se desenvolva dun xeito secreto.
2º- Ata o momento que transcendera publicamente o único veciño de Cervo que está sometido a unha imputación é, unha concelleira da Corporación Municipal, a portavoz socialista de Cervo -Sra. Lara Méndez- como consecuencia da presunta comisión de feitos que poderían ser constitutivos de delicto. Segundo sabemos, esta concelleira, non ten ofrecido ningún tipo de explicación sobre a súa relación coa presunta trama de retirada ilexítima de multas que afecta á Delegación Provincial de Tráfico, amparándose precisamente no secreto das investigacións, iso a pesares de que a imputación implica que existen indicios racionais da súa participación nos feitos investigados e que se trata de graves acusacións que está a afrontar na súa condición de cargo público.
3º- O Concello de Cervo se reafirma na vontade de máxima colaboración coa administración de xustiza e, xunto a iso, de máximo respecto ao proceso de investigación xudicial secreto que está en curso. Como é lóxico comprender, somos os primeiros interesados no pronto esclarecemento dos feitos e, só despois diso, comprometémonos a adoptar as valoracións e decisións que no seu caso correspondan.
4º- En virtude do anteriormente expresado, e por coherencia con todos estes principios, o Goberno municipal mantén a súa intención de non realizar ningún tipo de comentario, valoración ou ofrecer dato algún, que puidera implicar a vulneración ou ser obstáculo para o secreto de sumario e empraza ao resto das formacións políticas a que, nun exercicio xusto e responsable das súas atribucións políticas, actúen con maior rigor. En definitiva, emprazámoslle a que saiban estar á altura das circunstancias.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
